السلام عليكم ورحمة الله وبركاته … إشحالكم الغاليات … أنا عندي إستفسار عن توصيل الطلبية … أنا ناوية أبدأ تجارتي من خلال هالمنتدى الي ما نطلع من يزاه ويزا الي قامين عليه …الله يحفظهم ويرزقهم الزوج الصالح والذرية الصالحة والرزق الحلال ويغفر لنا ولهم ولوالدينا ووالديهم ويصلح بالنا وبالهم … اللهم آمين … المهم أبي أعرف كيف أوصل الطلبية للزبونة يعني بعد ما آخذ الطلبية وآخذ الأسم ولإمارة ورقم التلفون شو أسوي أروح لإمبوست لمكتبهم ولا في واحد إييني ياخذ الطلبية وهو الي يوصلها ؟ ومتى توصل تقريبا ومنو الي يدفعله الزبونة ولا أنا وكيف تدفعلي بيزاتي عن طريق تحويله لرقم حسابي ولا الأنصاري وشو الأسهل لهم وكيف لو كان عن طريق الأنصاري يعني بيتصلون فيني وأروح آخذ بيزاتي وهل هم ياخذون من الزبزنة شي غير الي هي بتدفعه حقي يعني ياخذون عموله عن التحويل وإذا ياخذون كم تقربا … ومشكورين أدريبكم ما تقرون
المشاركة الأصلية كتبت بواسطة تومة 
… ومشكورين أدريبكم ما تقرون
السموحة منكم قصدي أدريبكم ما تقصـــــــــــــــــــــــــــــرون …
نفس الاسئله
هلا اختي ..انا توني بدايه اتاجر عن طريق المنتدى ..بس بحاول اجاوب على الي اعرفه ..بالنسبه لمكتب امبوست انتي تسيرين وتعطينهم العنوان والتوصيل يكون ب 20 درهم داخل الإمارات ..وهم عقب يوصلونه للزبونه في اليوم الثاني ..الدفع ممكن يكون عن طريق الانصاري ..وياخذون 20 درهم عن كل تحويله ..او ممكن يودعون لج في حسابج البنكي وهذا ما يكلف اي شيء.. طبعا تقدرين توفرين خدمة سلم واستلم ..والي هي انج توصلين البضاعه للزبونه ونفس الوقت تاخذين البيزات ..بس لازم يكون عندج مندوب او ممكن تسالين اي حد من التاجرات اذا ممكن يعطونج رقم مندوب…طبعا في جميع الاحوال التوصيل يتم دفعه بواسطة الزبونه.. اتمنى اني اكون افدتج ..