اشحالكم يالغاليات….ان شاء الله بخير وصحة وسلامة..
بالصراحة ما اعرف اذا كان هذا المكان الصح… لموضوعي ولا لااااااا
المهم بغيت اسال:::
اذا في شخص خطبج… وانتي ما تعرفيه… ابدا يعني من بعيد…عقب اهلج قالوا لج ارمس مع هذا الشخص عسب تتعرفون على بعض يمكن …. يعجبج ويصير نصيب…
شو بكون ردة فعلج؟؟؟!! وهذا الشيء صح ولا غلط؟؟؟ وهذا القرار كان قرار من الاهل يعني مب من عندج؟؟؟!! عادي بترمسي؟؟؟ ولا لا؟؟؟
بليز ممكن حد يفيدني في الموضوع يعني من تجاربكم… في الحياة…
السموحة…
سوري اذا موضوعي مب في مكانه الصحيح…
بما انكم ما ملجتوا و مابينكم عقد قران .. فهو مب ريلج .. فمايجوز تكلمينه أو يكلمج .. حاله حال باقي الرياييل
التعارف يكون عادة بفترة الملجه =)
والسموحه
المشاركة الأصلية كتبت بواسطة أم وجدان 
والسموحه
وانا بعد ويااج
مافيها شي اترمسينه جدام اهلج عاد مب من وراهم
^_^
ليش مايستوي أنا أشوف ان الموضوع عادي لان هي ماسوت شئ من ورا أهلها وأهلها هم راضين بهالشئ ومب شرط إن يكون الكلام بمفهوم ثاني و يكون الكلام بالأشياء المهمه وعلى الاقل يعرفون طبع بعض وشو إلي يحبونه ويكرهونه وبعدين بالملجه إذا ما اتفقوا لا قدر الله شو بيكون مصيرهم الطلاق؟ والبنت هي إلي بتحمل أسم مطلقه والحقيقه انه وايد عندنا حالات في منطقتنا البنت اطلقت لان ما اترتاحت لأسلوبه أو تفكيره والسبب انه ماكلمته بالخطوبه وفيه عوائل عادي وعوائل لا وبصراحه انا أيد انه البنيه اتكلم خطيبها
وهذي سياسة أهلي بعد
يعني خواتي كل وحده فيهن رمست ريلها أيام الخطوبه والكل يدري والأهم موافقة الأب والأم =)
والحمد الله صار نصيب والكل عايش مرتاح
الأهم انهم يتفاهمون قبل الملجه وقبل لايدشون بالجد وان تفاهموا ايام الخطوبه
بتي أيام الملجه بيعرفون بعضهم أكثر =)