ولدي صار واااايد يكذب ,,مايصارحني مثل اول ويعلي صوتة علية وعلى ابوة
ومرة دخلنا علية وكان فاتح النت وتفاجأنا بانة يطالع صور ماااااصخة وطبعا حاول يلف ويدور بس في النهاية كشفتة ,,,واليوم طلع الساعة 12:30الظهر وقالي بسير مع ربيعي وتحريتة بيتلاقى وياة في الدكان ويلين الساعة 2الظهر مارد البيت وركبت سيارتي وسرت ادورة واخرشي ظهر وكلمتة وحاولت اعرف واين كان وليش اتأخر وطبعا قالي قصة لاانا مصدقة ولا مكذبة وماعارفة شوة اسوي ولدي عاطيتنة حرية الرئ والاعتماد عالنفس واي شي يباة يحصل علية طبعا في المعقول هو اكبر واحد وعاطينة كل الثقة …..ارجو من كل وحدة عندها تجربة تخبرني عشان نستفيد ارجو عدم التطنيش
بس عمومآ اللي اعرفع من التجارب اللي ساامتعنهااا الولد يعمر المراااهقـــه يجذب << بس مب كلهـــم ,, انتي حاااولي بأسلوووبج اتخلينه يصاااارحج ،، وآخر شي تفكرين به اسلوب التهـــــديد ،، لأنه بيعااااند وبيجذب عليــــج اكثر ،،
بينيله انج امه واخته واقرب شخص له ،، وانه لو صاارحج بأي شي بيكون سر من بينكم ،، محد بيعرف عنه ،، وبهالطريقــــــه بيقتنع انه يصاارحج ويبتعد عن الجذب ,,
الله يهديه ويبعده عن رفقة السووء
اشغليه معاكم دوووم و دووم اطلعوا وياه
بصراحة أخوي مراهق بعد و مو بس يطول لسانه ع أهلي
يمد إيده بعد
..حتى أنا يضربني لوولفمن جي لازم تعطونه العين الحمراااااااا بس عاد مو وايد عشان ما تجي له ردة فعل عكسية
و الله يهديه و يعدي هالمرحلة على خير
المشاركة الأصلية كتبت بواسطة دانة ذهبية 
اشغليه معاكم دوووم و دووم اطلعوا وياه
بصراحة أخوي مراهق بعد و مو بس يطول لسانه ع أهلي
يمد إيده بعد
..حتى أنا يضربني لوولفمن جي لازم تعطونه العين الحمراااااااا بس عاد مو وايد عشان ما تجي له ردة فعل عكسية
و الله يهديه و يعدي هالمرحلة على خير
مثل ماقالت الاخت اشغليه معاكم ولاتخلينه يرابع الاولاد السيئين والله يهديه لكم
حلولي تدخلينه في جو العايلة
صح اني بعدني 20 ومو معرسة
بس شغلاتنا وعارفتها
عشان كذا اقولج عوديه يروح يصلي في المسجد
والنت لا تخليه يدخل الا قبل يخبرج
ولا تخليني قاعد روحه لان الملل يسوي هذا كله
والله يهدينا ويهديه
يقول لا تعاندونهم خلوهم واذا جادلوكم خلو عماركم كووول ردو عليهم ببرود
انا ولدي سنه المراهقه بعد
تغيرت شخصيته كل يبا يظهر ويا شباب المدرسه وانا اخاف عليه لاني ما اعرفهم
كان مرتبط فيه وايد
والحين يحاول يستقل لكن بطريقه سريعه
انا عارفه انه ما يسوي شي غلط
لكن دوم على اعصابي
مره رقديت الساعه تسع فليل ونشيت الساعه وحده فتحت حجرته هوه محد دار راسي خاصه انه احيانا يطنش
لو اتصل .. اتصلت قلت له انته وين قال يالس على الممزر ويا ربعي وولد عمتي قلت له شل عمرك
تعال والا بييك هناك وتعرف شو بسوي ::: رجع البيت
لكن ما ضاربته قبضت عمري دخل رقد والصبح رمسته عادي وقلت له استأذن يوم بتظهر اذا موب مني من ابوك
قال انزين الحين يستأذن
لكن دووووووووووووووووووووم على اعصابي
الله يطوف هالمرحله لى خير
صفة العند تلازم المراهق ونحن لازم نسيطر على اعصابنا
الضرايب ما تفيد مول
المهم نكسبهم
وانا احس اني بديت اكسب ولدي
حتى صار يشارورني في كل شي
ولو طلع مكان كل نص ساعه يطرش لي رساله
يطمني عليه
واذا قلت له رد البيت على طول يرد
وهوه دايما حاليا ويا ولد عمته
عشان جيه موب خايفه عليه
وربعه احس زينين
والله يهديهم