شخباركن خواتي
اختكن متوهقه >.<
انا مخلصه الثانوية العامه من سنتين وكان خاطري ادرس في جامعة الشارجه بس الظروف ماسمحتلي ,,
المهم , اانا الحين بكمل ان شاء الله ,, ترا بعدني صغيره >>> 19 سنه ^^
رحت للجامعه وخبرتهم بموضوعي وقالولي خريجة اي دفعه , قلتلهم 2024 القسم العلمي ونسبتي عاليه وايد الحمدلله ,, يعني فوق المطلوب ,,
قالولي تمام والتخصص اللي تبينه ان شاء الله بتنقبلين فيه وامورج طيبه ,, بس خلصي اجراءات التسجيل وبداومين مع البنات
انا قلتلها ابي منحه , لان الماي والكهربا اظن يعطون المستجدات بس , وانا كلمت اللي مقعدينها ع المنح وقالت نفس الكلام ,
ف اتصلت ف مكتب الحاكم قالتلي وحده ان لازم اقدم عندهم وارفق معاهم رساله اشرح ظروفي وليش انا محتايه المنحه ,,
لين هني تمام ,
انا مب عارفه شو اكتب ف الرساله الحين ؟؟
ساعدووني ,,
اترياكن ,, ادريبكن ما بتقصرن ويايه
وادعوووولي تتيسر اموري واحصل المنحه وادرس التخصص اللي ف خاطريه واتوفج فيييييه ,,, وعسى الله يرزقكن من خيـره ,,
الله يحفظكن
بس ماعرف شو يكتبووون
اتمنى انهم يفيدووونج
امممممم ما أعرف شو يكتبون بالضبط ،، بس بحاول اعطيج مثال اذا حسيتيه اوكي ورسمي خذيه 
بسم الله الرحمن الرحيم
الى ديوان الحاكم / أو اللي بترسلين لهم ..
الموضوع / طلب مساعده
السلام عليكم ورحمة الله وبركاته….
أتقدم الى معاليكم وكلي ثقه بكم لوقوفكم جنبا لجنب مع المرأة الاماراتية لقضاء حوائجها..
أتقدم انا فلان بنت فلان بن فلان الفلاني بطلب منحة دراسية من سيادتكم الكرام ولأن الحياه صعبه وأعناي من ظروف مادية وهي كالآتي :
1. السبب الاول
2. السبب الثاني
.
.
.
سيادتكم الكرام
انا شابة مواطنة أطمح ان اكمل دراستي وأنفع وطني ونفسي مستقبلاً ،، اني التمس اليكم برحابة صدوركم وسعة قلوبكم في مد يد العون والمساعده لي
وارفق لكم نسخه من :
مثلا لو عندج نسخة من ديون معينة ،، او اي شي يوضح مصداقية الكلام ..
مقدمة الطلب / فلانة بنت فلان بن فلان الفلاني
العنوان / إمارة ….
الهاتف / ……..
المشاركة الأصلية كتبت بواسطة ريامي الفلا 
امممممم ما أعرف شو يكتبون بالضبط ،، بس بحاول اعطيج مثال اذا حسيتيه اوكي ورسمي خذيه
بسم الله الرحمن الرحيم
الى ديوان الحاكم / أو اللي بترسلين لهم ..
الموضوع / طلب مساعده
السلام عليكم ورحمة الله وبركاته….
أتقدم الى معاليكم وكلي ثقه بكم لوقوفكم جنبا لجنب مع المرأة الاماراتية لقضاء حوائجها..
أتقدم انا فلان بنت فلان بن فلان الفلاني بطلب منحة دراسية من سيادتكم الكرام ولأن الحياه صعبه وأعناي من ظروف مادية وهي كالآتي :
1. السبب الاول
2. السبب الثاني
.
.
.
سيادتكم الكرام
انا شابة مواطنة أطمح ان اكمل دراستي وأنفع وطني ونفسي مستقبلاً ،، اني التمس اليكم برحابة صدوركم وسعة قلوبكم في مد يد العون والمساعده لي
وارفق لكم نسخه من :
مثلا لو عندج نسخة من ديون معينة ،، او اي شي يوضح مصداقية الكلام ..
مقدمة الطلب / فلانة بنت فلان بن فلان الفلاني
العنوان / إمارة ….
الهاتف / ……..
حبييييييييبتي والله احبببببببج ,,
عسى الله يوفجج وينولج مرااادج ويسهل عليج امووورج مثل ما سهلتي عليه امررري ,,
الله يرزقج الجنه فدييتج ,,
مشكوووره واااايد