انا من ثلاث صارلي نزيف فالاسبوع الخامس من الحمل وبين بعد فتره بأن ماشي نبض وتوقف نمو الجنين وسقطت،،،
وهالشهر تأخرت الدوره وسويت فحص الحمل طلعلي حامل بس فنفس يوم الدون نزلتلي قطرة دم بنية مثل الخيوط اذا كان هذا الوصف الصحيح ووقف أخاف يصير فيني مثل ماصار فالحمل الأول والله خايفه…. هل هذا الشي طبيعي او اجهاض منذر لأني ما أقدر اتحمل مره ثانيه اجهض لأن خاطري فبيبي ونفسيتي تعبت وانا أحاتي اتمنى الرد…. وع العلم بأني احس بأم اسفل الظهر بس…
طمنوني
عادي حبيبتي انا نفس الشي حملت وصار لي نزيف وتوقف نبض الجنين وانا في الشهر الرابع وحملت مرة ثانية ونزلت عليه بقعة دم بنية عبالي الدورة بس طلعت حاااامل والحين الحمد الله انا في نهاية السادس لا تخافين بس سيري اطمني عند اي دكتورة عشان ترتاحين …..
راجعي الدكتورة يمكن تعطيج حبوب أو إبرة تثبيت
أنا أول شهر خذيت حبوب
ريحي قد ماتقدرين بس لازم اتسيرين عند دكتوره اتجيكلج …
تسلموون بس انا صرت اخاف من المستشفيات واعرف شو بتكولي ديوفاستون والفوليك اسيد واصبر
تسلموون حبايبي وادعولي ان الله يثبت حملي والله يثبت حمل الكل ان شاء الله
الله يثبت حملج ان شاء الله ..
الحينه اللي اجهضت والسبب توقف نبض الجنين يعطونها مثبتااات واسبرين في المره الثانيه اذا حملت ؟؟
حبوبة قوليلهم انج اجهضتي قبل،، يمكن يعطونج هالمرة ابرة مب حبوب،،
والله يثبت حملج الغالية، حاولي تريحين
والله يثبت حملج الغالية، حاولي تريحين