مرحبا عسولات
حبيباتي … ابي اسوي مفاجأة لعيالي وزوجي .. وباحجز ليلتين بفندق بدبي
بتاريخ 17 هالشهر
ميزانيتي 3000 درهم فقط
ابي فندق حلو … وأهم شي الطلة .. يطل على حديقة أو البحر .. المهم منظر حلو .. يفضل ببالهم
ويكون بغرفتين أو 3 … لأنهم ولدين وبنتين
… شفت موقع بوكينج .. بس محتاجة مشورتكم كمان .. لأني أول مرة باسير فندق كسياحة 
والله يعطيكم العافية
..
.
اجازة موفقة
عندج فندق دوسيت رزيدنس يطل ع اليخوت
و اسعاره اوكيه شوفيه في بوكنج ولاتسين تحسبين الضرايب 20 درهم اضافي على كل 100 من سعر الغرفة
وعندج فندق ارجان روتانا
غرفه البريميوم فيهن مسبح داخل
بس اتوقع شي شقة بغرفة وحدة
و شي بغرفتين مب اكثر
و اجازة سعيدة ان شاء الله
وكنت حاطه غرفه وحده فيها شخصين كبار و2 صغار بس انتي عادي ممكن تحطين الصغار في غرفة ثانيه وطلعلي سعر حلو 1025 وكاتبين اغلب الغرف من بينهم باب ،،
ومع
•الدخول غير المحدود إلى Aquaventure، أكبر متنزه مائي في دبي
•دخول غير محدود إلى Lost Chambers الذي يضم أكثر من 65,000 حيوان بحري
•أسعار تفضيلية للسباحة مع الدلافين في Dolphin Bay
في شقق فندقية في جزيرة النخله وسعرها حق ليلتين 1700 وكاتبين تكفي حق 6 اشخاص الشقه واسم الفندق hotel royal club موجود في بوكنق تقدرين تشوفين صوره
مس جولدي … صراحة عرض اتلانس مايتفوت … مااتوقعت هالاسعار … بس مايناسب ميزانيتي حاليا
وبما اني مافكرت أبدا باتلاتنس ( متوقعة ارتفاع الأسعار ) .. لكن الحين باحطه للخطة الجاية .. ان شاء الله
اممم .. بتأكد من هالجملة
الدخول غير المحدود إلى Aquaventure، أكبر متنزه مائي في دبي
الدخول غير مجاني / صح … بس بعد الدفع يصير الدخول غير محدود … طيب كم اسعار الدخول ؟؟
..
.
شو رايكم بهالفندق .. احسه انسب شي لي
.
.
والله يعطيكم العافية
.
..
الخيارات كثيره ومميزه عندج فندق ريكسوس النخله جديد وحلوو واعجبني كثير والسعر مو كثير غالي اذا بتاخذين غرفه لكن يبا لج اكثر شوي عن الميزانيه
واذا تبين فندق يكون مطله على دبي مرينا اللي هو مرسى اليخوت وجريب من البحر من شاطئ جميرا ومن الممشى الجي بي ار ويكون 4نجوم ونظيف وجديد ومرتب اثاثه عصري وينفع للاطفال من حيث السباحة فهو عندج فندق مارينا فيو والسعر من بوكنق حلوو وماله الا سنه مفتوح العام بس 2024 شهر 4
وعندج فندق سوفتيل جميرا بيتش وهيلتون الاثنين حلوين ومو جدد بس لهم اهمية من موقعهم ع الشاطئ
وامواج روتانا بعد حلوو ويعجبني تصميمه وهدوءه وقربه للشاطئ مواجه له والمطاعم تحت للفطور وللعشاء والغداء وجو صااخب
ولو ميزانيتج اكثر اكي بقولج زعبيل سراي او ون اونلي ميراج رويال النخله و اضا بقولج القصر مدينة الجميرا ودار المصيف وميناء السلام