جهة عملي طلبت مني أني أتواصل مع محلات معروفه ومشهورة وأقدر إني اعرض لهم تعاونهم معانا يعني مثلاُ يقدمون للموظفين خصم حتى ولو كان مجرد 5 %
وجهة عملي تحتوي اكثر من 200 موظف وفي فرعين لجهة عملي يعني المحلات أو هالجهات راح تكسب زباين بالمقابل تعطي عروض او خصم حتى لو بسيطه أكيد فهمتوا علي
وهالشيء لو يااا عن طريقي انا أكيد راح تنضافلي في تقييم الموظف
لأن من خلال هالشيء راح تستفيد جهة عملي للخصم لموظفيها
وانا حابه مساعدتكم يالغاليااات
يعني انا ناويه أروح محلات معينه في بالي
بس اذا في حد عنده فكره عن المحلات اللي ممكن تقدملنااا هالشيء ياريت تفيدني
ولكم دعوة صاادقه من القلب
الله يوفقكم يااارب ويزاها الله خير اللي بتساعدني لأني فعلاً محتاجه أرفع شوي وضعي في الشغل
جان تبين بطرشلج اللسته
بس تواصلي وياي لان عادي مارد اجيك ع الموضوع
هالفكره مطبقه من قبل اغلب الدوائر الحكوميه والكثير من الجهات
وللاسف وايدين مايستخدمونها ولا يستغلون هالميزه اللي توفرها لهم جهة عملهم
انا مايحضرني حاليا اي اسم مع انه كان عندي كتيب ريلي
اللي اذكره خصم على وكالات السيارات ومحلات تأجير السيارات و اليخوت للرحالات وصالون محل مجوهرات فنادق طيران الاتحاد
حاولي محلات الحلويات مثل باتشي او بيستاش او اي من المحلات الزينه اللي عندكم
مفيد للاعياد والعزايم واللمات
دوري لج سبا وجيم في فندق يوفرون خدمات للنساء والرجال منفصله
عشان يستفيدون منها سواء الموظفات او الموظفين
محلات عطور ومكياج
قنوات تلفزيون مثل شوتايم او اس ان
مستشفيات خاصه
مطاعم وكوفي شوب
دوري لج مطاعم هنديه يحبونه ربعنا ومطاعم توفر اكلات عالميه
محلات بيع التواير والمخفي بحكم ان اغلب الموظفين عندهم سيارات سواء حريم ولا رياييل
والفنادق نوعي حاولي تكون بكذا اماره
وحده تكون مطله ع البحر والثانيه في السوق وهكذا
محلات اثاث
محلات احذيه
او سوي احصائيه مع موظفينكم
وشوفي شو يحبون وشو الاشياء اللي يحبون يحصلون عليها خصومات
وبناء على رغبتهم ابدي سوي لسته للمحلات والجهات وعقب سيري كلميهم
بس ياليت تقترحون علي اسماء معينه للمحلات اللي ممكن تقبل تسوي خصم لجهة عمل.
او ياليت الموظفات اللي بينكم تطرح لي بعض المحلات اللي طبقت الخصومات بجهة عملها
وتسلمووون
اسأليهم عن المحلات اللي عندهم و اكيد بيساعدونج
او لو عندج حد من ربيعاتج يداومون ف ادنوك ،
هم اور ردي عندهم سستم يجيكون عليه خصوماتهم جوفي شو المحلات اللي عندهم
عندج مثلا ع حسب اللي اعرفه لان ربيعاتي يداومون ف ادنوك و طيران الامارات و دومي اظهر وياهم
و ما شاء الله 24 ساعه يستخدمون بطايق دوامهم للخصومات :
طيران الاتحاد – فنادق روتانا- فنادق راديسون بلوو – فنادق بانيان تري – فنادق سوفيتيل – سلسلة ماريوت …………الخ
وكالات السفر باكجات للسفر
عندج محلات السيارات – مثلا بورش كايين تسوي خصم لجمارك دبي –
مثلا مرسيدس و بي ام تسوي خصم لموظفي طيران الامارات
عندج شيفروليه ع ما اعتقد تسوي خصم للوزارات
عندج هوم سنتر يسوون خصومات لوايد مؤوسسات و جامعات
عندج مطاعم و كافيهات شرات second cup ……….الخ
سيفورا تعطي خصومات
كذا جم و سبا و صوالين يعطون خصومات مثلا نادي الرماية في الشارجة
بعد اور ردي لو عندج خصومات فنادق بيعطونج باكج للسبا و المطاعم اللي داخل الفندق —> مثلا سبا زعبيل سراي
محلات النظارات و العدسات —> يتيم للنظارات
العيادات التجميلة مثلا ليزر و سوالف
محل واحد للتلفون —–> نسيت اسمه بس هو محل ف دبي
بعد اور ردي لو عندج خصومات فنادق بيعطونج باكج للسبا و المطاعم اللي داخل الفندق
اتصلي في وكالات السيارات و رمسي مدير المبيعات و نفس الشي بالنسبة لباجي المحلات
بس ابدي بوكالة السيارات .. ع الاقل تبدين بشي كبير و حلوو و تحفيزي
و قولي عندكم 200 موظف و تبغون تسووون خصومات للموظفين من باب التحفيز و جي
بس حابة انبهج لنقطة
في اشياء المفروض ما تزيدين فيها عسب الطرف الثاني يستفيد وما يطلع من عقد الخصومات
مثلا عيادة تجميل تختارين عيادة وحدة ( عيادة وحدة )
محلات نظارات ( محل واحد )
محل تلفون ( محل واحد )
وكالات السيارات ( وكالتين بس )
تذاكر سفر ( طيران الاتحاد مثلا او العربية )
بالنسبة للفنادق ( اختاري سلسلة فنادق مثلا روتانا و لها فروع في كل الامارات – سلسلة فنادق جميرا زعبيل سراي و القصر ….الخ )
و ادري وايد قرقرت ههههههههههههههه
بالعكس فدييييتج أستفدت من الجهات اللي ذكرتيها باخذ أرقامهم من البدالة وبتواصل معاهم ان شاء الله
تسلمين حبيبتي
ويزاج الله خير