عزيزاتي ….
انا حاليا برع الدولة صار لي شهر و باجي لي شهر ثاني و برد بلادي الحبيبة ^_^
الغاليات …
ريلي موظف في سفارة الامارات في إحدى الدول … طول السنة ( فديته ) بعيد عني و عن عياله … و يالله يالله ايينا بين فترة و فترة …
و ان شاء الله ع العيد راد معانا البلاد لمدة 15 يوم ^_* يعني بيوصلنا و بيقعد معانا 15 يوم و بعدين بيرجع الدولة المقيم فيها ………
خواتي …
أنا كملت ( 9 سنين زواج و الله الحمد عندي 3 أطفال و الرابع في بطني ) ربي يحفظ لي عائلتي الرائعة ….
و ريلي حاب يحجز لي في فندق من فنادق دبي الراقية ( احم احم روحي انا و وياه و بدون عيالنا ) …. لانه عندنا بشهر 9 مناسبتين غاليات على قلبه ( ***************
و صراحة نحن سرنا معظم فنادق دبي ….
و حبيت أعرف جان في فندق حلووو و راقي تعرفنه … ساعدني
ريلي أقترح لي ثلاث أسماء ( فندق ذا بلاس – فندق اتلانتس – فندق أرماني ) و نحن قد زرنا ذا بلاس و كانت ليلة من الف ليلة .. و قد زرنا اتلانتس … بس أرماني … بعمرنا ما سرناه
الغاليات … نحن محتايين فندق ( موقعه جريب لكل المولات الراقية .. لانه ناويين انسوي شوبينج صراحة – و يكون فيه مطاعم رومانسية وراقية ) يعني نبا نعيش المناسبة صح ^_^
ممكن تساعدني ؟؟؟
عندي لج إقتراح فندق القصر إللي عدال دبي مول .. في الأولد تاون
رومانسي .. حلو .. راقي .. مطاعمه حلوه .. اللوبي حلو للقعده وشرب الكوفي المسا .. ومثل ما تبين هو قريب من المول ومش أي مول ههههه .. أحلى مولات الشرق الأوسط " دبي مول" وبتشبعين شوبنج حبوبه
خذو غرفة مطله على النوافير .. والحلو في هالفندق إنه قريب وايد على سوق البحر إللي فيه أحلى مطاعم وكوفيات .. ودايركت على المول والنوافير .. ويا سلام على منظر النوافير فليل
الله يخلي أيامكم سعادة وهنا .
وهذي صورة لمدخل الفندق
*آڛتغفر آڷڷهُ وآتوبُ آڷيهُ •• آڛتغفر آڷڷهُ وآتوبُ آڷيهُ
فيه مسبح خاص..يعني نظام فلل احسه حلو ورومنسي
ارماني حلو بس تقليدي يعني مافيه شي يديد الال افخامه عرفتي
اممم
العشاالرومنسي
انا الاسبوع لي مضى حجزت بمطعم باتو دبي
*****batuex
روعة عبارة عن مطعم على يخت يقدمون لج العشا وياخذونج رحلة ف خور دبي وايد مميز ورومنسي المكان
من زيارتي للفنادق مختلفه ارشح و بقوة هالفانادق لانهن صدق مريحات و رومانس و القعده فيهن روعه
1- مينا السلام
روووووووووووووعه الغاليه وتقدرون تسيرون المطاعم هناك عندهم مجموعه حلوة و عن طريق قاربها ترومون تسيرون البحر اوو تاخذون للفه على مجموعة فنادقهم
2- دار المصيف
رووووووووووووووووووووووعه كنت فيه الاسبوع الي طاف لمدة 3 ايام وناسه من الخاطر وايد وايد رومانس و حلو استانسا انا وريلي وولدي
3 القصر اولد تاون
روووووعه و خصوصا اذا الحجرة مجابل النافورة وااااااايد بتستانسون و كل شي قريب عليكم جربناه و خلاص ع قولة ريلي نعتمده فندقنا في دبي ههههههههه
5- ممكن تسيرون ديزرت بالم بس هو بعيد شوي صوب التنين
الفيلا وااااايد حلوة و فيها حوض خاص ^_______^ يعني منتهى الرومانسيه و ان شاء الله بنحجز حق ذكرى زواجنا
ارماني ما انصحج فيها فخامته بس على الاسم و في نظري ما ينفع لللايام الحلوة و العسل ههههههههه
مطاعم وايد الغاليه سيرو سبيكترم ان ون الي في فندق الفيرومنت حجزو الحجرة الخاصه و قوليلهم يزينون بالورد و الشموع رهيبه ريلي لين الحين يذكر المفاجاة الي سويتها له لان صدق تجربة حلوة
ممكن تتعشون في البوم التابع لفندق الراديسون بلو او دبي باتو
عندج المطعم الدوار في حياة ريجنسي
يا رب تستانسون و تقضون اجازة سعيدة بس بعد العيال لا تنسونهم سولهم رحلة ثانيه عائليه يستانسون برجعة ابوم
وربي يسعدكج يارب يوفقكم دنيا واخره تراني كنت اتابع مواضيعج
البقعه هناك وايد حلوهـ ، وطبعا كله تتمشون ، ووايد مطاعمـ وكوفيات
،’
فـ اشوف ان البقعه صوب دبي مول بتكـون مناسبـه اكثر ، فالداون تاون شي فندق القصر
وذا ادرس
فندق القصر حلو استايله ~ نفس العصور الوسطى والف ليله وليله ^__^
وذا ادرس استايله مودرن ، والحلو تقدرون تاخذون view ع النافوره وتستمتعون بالمنظر
والمطاعمـ عندكم صوب دبي مول وصوب سوق البحــآر
أو تختارون فندق الانتر صوب الفيستفال بـ عـد حلو ، بس المزايا والشوبينق فـ دبي مول احلى
والله يوفقج عزيزتـي ، ويسـ عدكم
: