ساعدوني بنتي ماتبغي تروح الروضه 2024.

ساعدوني

بنتي في كي جي 1 .. أول الاسبوع كانت مستانسه بالسيره للروضه وحق اللعب .. ويوم اوعيها الصبح تقوم بسرعه وأسبحها وألبسها وأوصلها الروضه وأحيانا تروح بالباص وتستاااااانس يوم تروح بالباص..

من كم يوم يتني تصيييح في الباص تقول في ولد ضربها في الروضه وفي الباص أخذ ورقه من إيدها كانت مسويتنها في الصف مع المعلمه وتضاربت وياااه سبته سب وضربها هو..

والله ماأعرف شو صار بالضبط ..

سرت الروضه وكلمة الولد وقلتله مايضربها وألا بخبر أبوها عليك وحليله انكر انه ضربها بس ربعه إللي وياااه قالوا هو ضاربنها هي وبنت عمتها ..

ألحينه المشكله والطامه العووووده انها ماتبغي تسير الروضه ماتنش الصبح.. تقولي مااريد أسيييييير الروضه أبغي أرقد ..

بس موووول السندويشه أقولها اخذيها معاااج لاتكلينها ألحينه إذا ماتريدين.. أكليها بعدين تصيح ولا تخليني أحطها لها في الشنطه بعد..

هي يوم تشوفني بس أطريلها الريوق .. تعاااند ولا تاكل الله يهديها..

والخضروات ماتحبها!!

والمعلمه .. انا كلمتها عشان الولد إللي يضربها وهي قالت بتتصرف ..

والله.. يالله يالله أنش أنا وأنششها هي عقب عزااار حيله.. وكله بسرعه بسرعه وين أقدر بعد اتفنن في المطبخ ..

بخلي وجبة الفواكه هذه عقب ماترجع من الروضه .. لأنها وااايد عجبتني