مرحبا خواتي ….
دخيلكن ساعدوني …
بنتي الغالية … و قصتها مع النوم …
احين بنتي كملت سنه و نص .. فديتها … 
بس سالفة الرقاد عنده متعبني … الحمدالله ترقد من وقت بس المشكله ……………..
انها تقوم كل ساعه او ساعه ونص عسب ترضع ( وانا ارضعا طبيعي اثناء النوم)..
بس تعرفون هالشي متعب بالنسبالي .. يعني لين ما اقوم وارضعها ربع ساعه .. بسير احاول ارقد لين ما ارقد .. ما اكمل شوي .. الا الحلوه نشت وتبا ترضع ……………..
واسال كل الي حولي يقولون عيالهم ينشون مرتين يمكن ان كثروا 3 …
ساعدوني دخيلكن … قولولي شو الحل … وادعولي …………..
بس انا الحمدالله اعطيها و جيبه قبل النوم .. و بعده بنص الساعه حليب صناعي … و بعدين تشرب الحليب الطبيعي و ترقد ….
بس مشكلتها يوم اعطيها حليب الصناعي يوم تنش ما اطيع تشربه … مع انه طول اليوم عادي تشربه .. اما فتره النوم لازم حليب طبيعي ..
و تسلمين حبوبه .. و بدعيلج من احينه فالج طيب …
ما شا الله 6 داشين وحده الي راده .. على الاقل ادعوا لبنتي .. بس بعد يزاكم الله الف خير ..
أنا ولدي كان مثل بنتج.. ماشاء الله عليه ، كل شوي يقوم من النوم يرضع شوي ويرد ينام.. وانا رايحه راده طول الليل.. والصبح وراي دواااااام.. واروح وانا مقفلة
وما انتهت هالحالة الا لما فطمته وعمره قريب السنتين!! بس تحملت شو اسوي
والله يعينج.. بس يمكن وحده من الخوات تفيدج..
والسموحه .. والله يخليلج بنتج
عاد الله يعيني يوم بفطمها .. انا احاتي هالشي وايد …
انشاء الله تيسرلي الامور .. لانه احس متعلقه فيني حزة النوم وايد …
واذا حابه اي استفسار أو سؤال عن الفطام انا حاضرة.. تجربتي ويا فطام ولدي توها طازجه هههه
انا عيالي من يكملون السنه امنع عنهم الرضاعات يعني الحليب احطه في القلاص ( 3 مرات في اليوم الصبح مع الريوق و العصر مع بسكوت او كيك و فالليل مع العشاء ) بعد العشاء يشربون ماي و ينامون طبعا اول فتره يقومون فالليل وارجع انيمهم ولو طلبو حليب اقول لهم الصبح نشرب الحليب في القلاص
انا اصلا اليهال من يوم ينولدون دايما اخلي اخر رضعه تكون اعشاب ( ينسون نعناع . . . الخ ) لان دكتور يقولي ان الحليب يسوي غازات
والسموحه منك