بلييز سااعدني ابغي ارد ثقتهم فيني ..لان ما اظن ترمسينه فوون و عقب اكتشفتي انه ولد
عالعموم احسن شي انج خبرتي اخوج
ولا تصيحين لانج ماكنتي قاصده الغلط
و لو انا بدالج بخلي امي تكلم ام ربيعتج
وتخبرها عن الي تسويه بنتها
ولاتصيحين انتي عشان اهلج مايشكون فيج
وتأكدي أن لكل مشكلـة حل مهما كبـــرت
و أهلج مستحيل ما يعطونج الثقة مرة ثانيــة لأنج بنتهم بالأول و الأخير
وهاي غلطـه و أكيد هم بيتفهمون هالشي مع مرور الوقت
و صبري على أهلج فترة وبتشوفين كل شي رد طبيعي
و بخصوص الإنتحار حبيبتي
لو فكرتي فيها و سألتي نفسج
أنا يوم بنتحر إنتحاري بغير شي؟
أمج بتنهم و أبوج و أخوانج وعايلتج كلها
وفوق هذا عقــاب ربج ما فكرتي فيييه
لو انتحرتي أو فكرتي بالإنتحار بتكونين أكبر غلطانه
وغلطتج هاي إذا سويتيها ربج ما بيغفر لج!!
لكن ربج بيغفر لج عن غلطج ويا الولد و أهلج بعد
قارني بينهم وشوفي شو الأحسن
أنتحر و أخسر رحمت ربي و أهم أمي وأبوي و أخواني و عايلتي علي
و لا أصبر و ما بعد الصبر إلا الفرج و ينغفر لج من الطرفين؟؟
حبيبتي خلي عاطفتج ومشاعرج في صوب و خلي عقلج هو اللي يحكمج
و اصبري و اصبري واصبري
وتأكدي إن الفــــــرج قريب ربـج ما ينسى عباده
وواضبي على الإستغفار و الصلوات و إن شاء الله كل شي بينحـل 
وسوي مثل ماقالت عشق طاهر و اللبوة البيضة وانشالله يردون الثقة فيج
و لا اتصيحين فديتج لانج ما سويتي شي غلط
و هاي اربيعتج قطعي علاقتج فيها احسن لج