ساعدوني خواتي 2024.

السلام عليكم جميعا ……….وكل عام والجميع بخير ……. وعام دراسي موفق إن شاءالله( بس الظاهر العكس)……….خواتي أنا وكيلة مدرسه تعبت من تأخر الطالبات نهاية الدوام ….واليوم صدقوني راجعه الساعه 3 شو الحل مع أولياء الامور اللي ما يكونون متواجدين نهاية الدوام …….أريد أطرش لهم رساله أخبرهم فيها إن المدرسه غير مسؤوله عن تأخر الطالبات…….صدق نحنا مب بشاكير عندهم كافي إنا من الساعه 7 في المدرسه بعد نهاية الدوام لازم تأخير……….كرهت شغلي والسالفه هذا الموضوع ……..ساعدوني شو أكتب لهم بأسلوب راقي ومحترم .يخليهم ما يتأخرون علينا لانا فعلا تعبنا والجو مثل ما تشوفون حدث ولا حرج …………..مع خالص شكري للجميع

اذا الطالبات صغار

فطرشي ورقة مع كل طالبة تروح بالسيارة خاصة للأهل بعنوان للأهمية

او حطي لافتة كبيرة ع المدرسة انه التأخير مب من مسؤوليتكم

انوا بعد عندكم عيال وريل والتزامات وووو …

الله يعينكم يارب

الغاليه انتي ليش تتأخرين لين الساعه 3 واايد
احنا عندنا المناوبات فقط هم اللي يتاخرون وتكون طبعا المسئولة عليهم ادارية وحده
مثلا يوم الاحد المديرة + 5 مدرسات والبقيه يروحون
الاثنين الوكيله + 5 مدرسات
الثلاثاء السكرتيرة +5 مدرسات
الاربعاء الاخصائية + 5 مدرسات
الخميس اذا كانت اخصائية ثانيه او معلمة المصادر او سكرتاريه ثانيه
وطبعا يكون العدد على حسب العدد الموجود بالمدرسه سواء 4 او 5 مدرسات
اما بالنسبة للورقة اللي بتطرش لأولياء الامور
بالبداية خليها تهنئة بالعام الدراسي الجديد
وبما انه هؤولاء التلميذات أمانة في اعناقنا واعناق الاسرة نطالب من ولي الامر المحترم التواجد لاستلام الطالبة في الساعه كذا وذلك طبقا لموعد المغادرة من المدرسة
ومن يتأخر عن الوقت المعتاد فالادارة لا تتحمل اي مسؤلية اتجاه التلميذه فنرجو الالتزام شاكرين لكم حسن تعاونكم
والله ولي التوفيق
يعني شي مختصر بيكون وبها الطريقه لا انتي ولا غيرج بتتأخرون عن الوقت الا مره بالاسبوع
وهو المعروف بداية العام الدراسي لازم تستوي هالحوسه والله يسهل للجميع
والسمووووووووووووووووحه على الاطالة

الغاليه

تتقدرين تسوين رساله تكون فيها قوانين الحضور والانصراف للمدرسه
والساعه المحددة لانصراف الجميع
وتقومين بتعميمها على جميع اصحاب السيارات الخاصه

وتخلين هذه المهمه بعد صياغة الرساله على حار س المدرسة
عشان يسلم كل ولي امر الرساله
وبهذا تضمين جميع اولياء الامور وصلهم الخبر

وبهذا تخلين مسؤوليتج عن وجود الطالبات في المدرسة
ولا تنسين توضيحين في الرساله انه بعد الساعه المحدده ستخلي اداره المدرسه مسؤوليتها اتجاه الطالبات المتاخرات

ولا تنسين لازم تحطين كل يوم مناوبات وتكون مسئوليةالمناوبات التاخر مع الطالبات
وكل مجموعه لها يوم واحد فقط في الاسبوع
راح يسهل عليج التاخر ولا يكون لج الا يوم محدد فقط

وايضا عمل قوانين للمدرسة بخصوص الحضور والانصراف
ووضعه على لوح اعلانات في مكان مقابل وقوف اولياء الامور حتى يشوفونه
ويمكن يلتزمون

والسموووحه
والله يجعله عام سعيد على الجميع ان شاء الله

يزاكم الله خير خواتي …….المدرسه اللي أنا فيها بنات صغار من أول لين خامس……وأنا من النوع اللي وايد أحاتي ..أخاف عليهن تعرفين بنات صغار ……..خاصة صف أول لا يعرفن رقم تلفونهم ولا بيتهم وين…….صح إن هذي الاشياء تصير بداية العام بس السنه هذي بشكل فظيع يعني أول مره أدخل البيت الساعه 3 …..فعلا نحنا مسوين جدول وكل يوم على إدارية ومجموعه من المدرسات…..بس المديره عمرها ما ناوبت ما أدري ليش يمكن لانها مديره……..والمشكله بعد إن المديرات من باجر مش موجودات بيدخلن دورة اللغة الانجليزيه يعني صدق الله يعينا ……….

طرشي لاولياء الامور اعلان بان نهاية الدوام المدرسي في الساعة ….