ربي شاهد اكتب وانا متضايقه دموعي اربع اربع
ريلي صار انسان ثاني احس يتجنب يكلمني يتجنب يدلعني كله يبا ييلس ويا ربعه ويسهر الين الساعه 4 الفجر ويرد ويرقد وينش متاخر وعلى هالحال ويوم انازع يقولي بعدله وبسج دلع وانتي كله تتحسسين انا ويا ربعي وما اسوي شي انا واااااااااااااااايد شاكه فيه بس اسكت ما يسوي الي يرضيني ما ادري شوه فيه تغير 360 درجة شورن عليه حتى سوالفي احس مب عايبتنه يتملل انا روحي احسني بعيده عنه ما احس بهاك الحب واقول في نفسي معقوله عقب هالدعاء وهالتعب شوه صار !!!! تغير قبل كان لو اقووله بوس ريلي يبوسها حتى تميت افكر لو اني تميت حبيبته بس اخير لي والله متضااايقه اخاف يكلم بنات انا مسكت عليه يكلم بنت ف الفيس بوك الوقت الي اجهضت فيه في هاييج الفتره اكتشفت وانا طول هاييج الفتره عصبيه كنت ورحت بيت اهلي يلست شهر وردني وحلف لي يمين ودين ما بيتعرف ولا بيكلم حد واحينه احسه بعيد يوم اتضارب معاه اصيح احسه يتندم بس يرد ع نفس الاسلوب بديت اكره
شوورن عليه
ويسخر لج زووووجج ؛؛؛
الانسان يتغير مع طول المده ما يقل الحب لكن يكون روتين وتعود يعني هوه ما بيسوي نفس الشي
مثل البدايه يوم عرستو وكلنا مرينا بهالتجربه البدايه غير وكل ما تمر الايام تزيده الموده والرحمه
والاحترام لكن ما يكون مثل قيسى وليلى شرات البدايه ف لازم تعرفين هالشي وتتقبلينه
اما عن ظهراته ويا ربيعه لا تقيدينه ولا تضايجينه وتشككين فيه دام انه قال لج انه ما بيكرر هالشي
خلاص اعطيه الثقه ولا اتمين كل يوم تكررين موضوع خيانته اللي يمكن هوه ندم عليها
اذكري الله
حبووبة يمكن انتوو عايشين برووتيين ولازم تغيريينه ..
دام الساالفة ربعة يمكن يدور التغير..
حاولي اتغيريين من كل حيااتج للشي الي يسعدكم..
دايما كرري هالدعاء …
" استودعت الله نفسي وزوجي وذريتي في ديننا ومالنا وخواتيم أعمالنا,اللهم استودعتك بيتي وعمالتي عن الزنا والكذب والفساد,اللهم حصن بيتي من اوله لاخره ومن أعلاه لأسفله,الهم ابعد عنه الحرام بأنواعه,اللهم أخرجني منه عزيزة وردني اليه أعز واجعل لنا فيه سعادة في ديننا ودنيانا,وصلى الله على سيد الأولين والاخرين وعلى اله وصحبه أجمعين "
وربي يخرة لج على خيير..