شخباركم
بكتبلكم قصتي
انا يابنات مب مرتاحه فبيت ريلي والسبب امه وهو عارف هالشي ومن حملت ونا كله طايحه مريضه ووحامي كان صعب وامه هالكتني هلاك الله يسامحها وتميت شهرين فبيت هلي لين الشر الرااابع وبعد ماخفالوحام رجعت بيتي تميت اسبوعين واستوت سالفه بين ريلي وامه وعقته علي انا .. وعقب ريلي شاافني اني تعبت ووداني المستشفى تميت اسبوعين وعقبها سرت عند هلي (( ملاحظه هو رافض بدايه الزواج ان ابات عند هلي ))بس الظرووف خلته يرضى وهو بنفسه يوديني وخصوصا ان هلي بعاد وهلي مول ماتدخلو فحيااتي ولا يت مره قالوله امك تعذب بنتنا ولا اي شي
واحين دشيت التااسع .. واليوم رمسني قالي تمي عند هلج اذا هناك مرتاحه .. قتله لا ابي ارجع البيت قال رااحتج بس مب عقب تقولين انا تعبانه وفيني ضييج .. قالي تمي عندهم لين موعدج وعقب ربي وسيري هناك الاربيعين وانا انصدمت ماعرفت يمزح ولا صدق يرمس
المهم
ياابنات احين انا ففتره الحمل تميت بالاساابيع عند هلي والسبب المشاكل والتعب
واحين قربت ولاتي
شورن علي ارمسه واقنعه اتم عند هلي الاربعين ؟؟
ولا شو رايكن ؟؟
لاني بجر ؟؟؟
فديتج يمكن ريلج تعود ع بعادج وهالشي اثر على علاقتكم
حاولي تتقربين منه هالفتره وتتحملين امه وفي فترة الاربعين طبيعي تقعدين عند اهلج هاا نفاس وبعد انتي بالبجر
بس بعد في هالفتره تقربي منه اكثر وخلييه دايمن ايي يجوف ولده واستقبليه احلى استقبال ولاتطرين المشاكل والضيج وامه عنده
الرياييل مايحبون الحنه وهاي بعد امه مايقدر يقولها شي حتى لو هي غلطانه.. انتي بشطارتج حاولي تكسبينها او عالاقل تتجنبينها
والله ايسر امورج ان شاء الله
تسلمين اختي بس كيف اقنعه اتم الاربعين عند هلي مب راااضي
ننصحك انك لازم تصمدي وتكوني وقوية وما تنسحبيش لبيت اهلك… افرضي نفسك على زوجك… يعني هو المفروض يوفرلك الاستقرار في بيتك ومملكتك… ومن حقك ترتاحي في فترة نفاسك ..
لو فضلتي تبحثي عن راحتك بعيد عن بيت الزوجية حايتعود زوجك على بعادك… ولهذا ننصحك انك ما تتنازليش على مكانتك كملكة في مملكتك.. و لو مش حاسة براحة فيه معنى هذا ان فيه خلل وشئ غلط مخليك تبعدي وتشوفي في راحتك في مكان تاني..
المهم واجهي الوضع ولة بتدخل اهلك … ومن الان قبل الولادة.. لأن فترة النفاس فترة صعبة… وجودك في بيت يضمن راحتك واستقرارك حق من حقوقك..
واجهي الموقف بشجاعة واستعيني بحد كبير من طرفك ايوقف امه وزوجك عند حدهم… ولو تطلبي بيت مستقل
ونصيحة نصيحة لو ما حليتيش المشكلة الان … حاتنقلب الى كارثة
عند هلج ونص الفترة الثاانيه ردي بيتج 00لا تعودينه ع فرااقج وخليه يحس انه صاار اب ومسؤل عنكم
وامه الله يهديهاااا بتهدى يوم بتشوف حفيدهااا بين ايديهاااا وبتحس انج تبينهم وشااريتنهم
وقااعده عندهم في الاربعين00عزيزتي من الحينه اكسبيهااا وقوليلهاا ترااني عندكم في الاربعين
وابااج تعلميني كل شي عن البيبي صدقيني بتتغير للاحسن ان شااء الله0
الله يسهل ولااادتج وايسر امورج ويسخرهم لج حبوبة
تسلمون