بغيت مساعدتكم خصوصا الطبيخات ،، لاني اداوم وما عندي وقت إني اطبخ فدوم امي تسوييلي الغداء
بس المشكلة الحين ريلي مسوي رجيم فيباني اسويله أكلات خاصة بالريجيم للغداء (طبعا من ارجع من الدوام)
وما عندي فكرة فيا ليت تفيدوني اللي عندها اكلات للريجيم وتنفع للغدا او حتى عشاء وتكون بسيطة ما تاخذ وقت واااايد ،، وتكتب لي الوصفة بالتفصيل
ومشكوووووووورين فديتكم
دعواتكم
وباقي البنات مابيقصرون
المشاركة الأصلية كتبت بواسطة أحبه الغالي 
وباقي البنات مابيقصرون
الغالية هو بروحه مسوي دايت ،، وبالنسبة للمشاوي صعب علي اونا اكون رادة من الدوام عرفتي
عشان جذه ابا اكلات خفيفة مثل السلطة والتونه
وقاعدة احاتيه الصراحة وما اعرف شو اسويله (ترى انا مب لين هناك في الطبخ .. أمشي حالي بس)
يعنى تكونين مبهره الدياي من الليل ومتبلته باليمون واو الروووب ومقطع مربعات (لانه صدور)
بس تخليينه ع الشوايه مجرد خمس الى عشر دقايق وبس وهذا مع سلطه طبعا تعرفين السلطه تنوعين فيها كثري من الاوراق والخس والخيار والبقدونس ولو حابه تضيفين
طبق جانبي له روب او رز قليل او خبز اسمر
المشاركة الأصلية كتبت بواسطة أم شوأأخي يعنى تكونين مبهره الدياي من الليل ومتبلته باليمون واو الروووب ومقطع مربعات (لانه صدور)
بس تخليينه ع الشوايه مجرد خمس الى عشر دقايق وبس وهذا مع سلطه طبعا تعرفين السلطه تنوعين فيها كثري من الاوراق والخس والخيار والبقدونس ولو حابه تضيفين
طبق جانبي له روب او رز قليل او خبز اسمر
بس ما عندي الشواية ،، بالفرن ما يستوي سوري بس تقدرين توضحين لي اكثر
عزيزتي بنزلت رجيم ريلي مسونه عن الدكتوره عشان ما تحتارين بالاكلات وكلها اشياء سريعة روحي الجمعية وخذي الاغراض في في اللولو هايبر ماركت وكارفور خس امريكي وفرنسي جاهز وطماط صغير عشان تسوين سلطه سريعه وفي نكهات للسلطه من كنور حلوه بعد و خذي صدور دياي.
الاسبوع الاول:
نظام تخفيف وزن
الفطور : 2 كوب ماء + كوب شاي حليب أو نسكافيه بالحليب القليل الدسم بدون سكر او ملعقة سكر صغيرة فقط في اليوم.
2 توست اسمر او رغيف صغير خبز اسمر ( نخالة )+ شريحتين جبنة قليلة الدسم أو قطعة جبنة بيضاء او ملعقتين لبنة أو ( بيضة مسلوقة + شريحة جبنة قليلة الدسم ) او 2 شريحة Turkey او 4 ملاعق فول + خضروات (خس، خيار، طماطم،… حسب الرغبة).
بين الفطور والغداء : ماء، شاي، قهوة، أعشاب، ( حسب الرغبة )
الغذاء :
يوم1- سلطة او تبولة + شوربة (أي نوع – كمية حتى الشبع)- ممكن عدس ، خضار ، الدجاج ،
الشوفان ، الذرة ، الاسماك.
يوم 2 – سلطة او تبولة + مشوي (لحم ، سمك ، دجاج ، ربيان ، تونة – حتى الشبع)
ويكرر لمدة أسبوع
العصر: ( قطعة فاكهة من اللائحة + 3 حبات تمر ) او كوب عصير Fresh
العشاء:
يوم 1- سلطة + 6 ملاعق فول + كوب روب قليل الدسم او رغيف صغير خبز اسمر
يوم2 – سلطة + قطعة جبنة بيضاء + 2 توست اسمر + شوربة خضار
يوم 3 – 2 بيضة اومليت (بالخضار) + 2 توست اسمر او رغيف صغير خبز اسمر
يوم4 – فتوش بالخبز المحمص والجبن الابيض + شوربة خضار
الاسبوع الثاني:
نظـــام تخفيـــف وزن
الفـــطور : نفس الفطور الاول
بين الفـطور والغـذاء : مـــــــاء ، عند الجوع تفاحة او 1 عصير جريب فروت
الغـــــذاء : 1 – سلطة + ( 1 ) ستيك لحم مشوي + حبة بطاطا مشوية او
مسلوقة (حجم وسط)
2 – سلطة + 2/1 كوب فاصوليا حمراء او بيضاء+ رغيف
صغير خبز اسمر او كوب رز
3 – سلطة + سمكة مشوية
4 – سلطة سيزر بالدجاج المشوي او الربيان (5 وسط)
العصـــر : ( 3) فاكهة في اليوم
العشــاء : 1 – سلطة فاكهة (3 حبات) + كوب حليب او لبن قليل الدسم
2 – كوب حليب قليل الدسم + كوب كورن فليكس + موزة
3 – شوربة ( أي نوع – بدون لحم ) + سلطة
4 – 2 توست اسمر + 2 بيضة اومليت او مسلوقة