ناويه اسير باجر اقص شعري و اصبغه بس ابا صالون زين و معروف
و غير هالكله و الاهم من جي ان كل اهله بيكونون موجودين وشي منهم ماجد شافوني
في منه شافوني بس في العرس و كنت روعه و ايه من الجمال وهذا تعليق الجميع انا الي عمري ماشفت عمري جميله اتخبلت على عمري يوم عرسي
الحين العزيمه وايد مهمه بالنسبه لي و انا الي بحط المكياج طبعا :1 (25):
اباكن اتساعدني في لوكات مكياج صاخب ابا مكياج راهي يعني صور بليز عشان اعرف اضبط الاني مب هاك الزود بس اذا كنت هاديه يضبط ويايه شويه
بليز بنات لاطنشوني حطولي صور لمكياج حلو:22 (22):
على فكره اللبس الي بلبسه لونه ازرق على وردي و فيه اصفر على ذهبي هو وااايد حلو و اخاف اخربه اذا حطيت مكياج اي شي
بليز بنات ابا ارفع راس اهل ريلي و اخليهم يفتخرون فيه و يقولون مرت فلان فنانه و كشيخه :1 (66):
اعرف اكن ماا بترديني و اانا في انتظار صوركم و اراءكم و ساعدوني على اي فكره ثانيه تخطر على بالكم
ولازم تكونين بأجمل حله..
وعشان جيه حبيبتي لازم تحجزين عند حد في هاي المناسبه…
عشان يسويلج المكياج..
انا عندي حد تعاملت وياها..هي أمل..
ومكياجها وايد حلو..
اذا تبين رقمها خبريني..
بتسويلج اللي تبينه..
واذا تبين حد للصبغ والقص..
عندج وايد بس الحينه ما اتذكر حد…
ان شاء الله اذا تذكرت اكيد بخبرج حبيبتي..
أختج……………دلع حبيبي…….
شكلج عروس يديده …. الغاليه احسن شي تسوينه انج تحجزين عند حد لان وسوييه مكياج خفيف جدا … يعني حق عزيمه …. لان مابتقدرين تتقنينه خصوصا يوم انج تكونين مرتبكه وتعرفين انه وراج شي ويالله عاد يبدا التخبيص … اسئلي مجرب <——- يوم تكون عندي مناسبه اقعد اتفلسف واخبص ويطلع مب لين هناك لاكن يوم مايكون عندي مناسبه تعالي شوفي الابداع …. نصيحه مني لج احجزي عند حد وسوي مكياج هادي ….. احسن لج واظمن خصوصا انج عروس يديده والعيون كلها بتكون عليج
دمتي بكل ود
