السلام عليكم ورحمة الله وبركاته
توني يايه من المستشفى وقالولي مثانة الجنين كبيرة وقلبي معورني واصيح
حد عنده خبره هل هالشي يضر الجنين ولا لا
ووين اقدر اسير عشان اطمن
دخيلكم ادعولي ما يكون فيه شي
غناتي ترا كل بيبي قياساته غير مب كلنا واحد وربج حافظنه روحي استشاره ثانيه وارتاحي ما فيها شي
الغلا لا تفكرين وادعي في هذا الشهر الكريم
الغلا لا تفكرين وادعي في هذا الشهر الكريم
المشكلة خوفوني عليه قالت بنشوفه عقب شهر كيف بيكون وانا شفتها كبيره ما ادري هالشي بيضره ولا لا
ماعليج من كلام الدكاتره
انا اختي قالولها الجنين اللي في بطنج عنده تضخم في الكلى ويابته ماشاء الله مافيه شي
ماعليج منهم وتوكلي على الله واقري قران
حبيبتي انا قالولي نفس الكلام المعده كبيرة والامعاء كبيره
وعقب قالولي على كل شي اوكي لان البيبي ماكان امفرغ اللي في بطنه
صدقيني اتوكلي على الله وما عليج منهم سيري استشاره ثانيه وبيطمنونج
وهم لازم يقولون اللي يشوفونه عسب عقب ما تنصدمين لا سمح الله واتضاربينهم
يمكن المثانه كبيرة لان البيبي ماكان امفرغ حزتها
المستشفيات يبالغون واايد ………دوم فيه وفيه ويوم انربي الحمدلله ما فيه شي
ادعي ربج وما عليج من كلامهم..محد يعلم الغيب
قبل شهر سويت صوره قالت الدكتوره ما اقدر اميز هذي المثانة ولا الكلى
واليوم رحت مستشفى الواحة قالت لي حجمها وايد كبير
ما ادري والله اني احاتي وايد وما اعرف وين اروح عشان اطمن