اختي المسلمه انا متضايقه من نفسي واتمنى تعطيني طريقه اني اقتنع فيها واحقق اللي اتمناه انا اتمنى اني اتنقب بس ماشوف حد يشجعني كلهم بقولولي بعدج صغيرة عمري 23 سنه هم مومقتنعه ابا اتنقب لاتفكروا انه اتنقب وبس لا انا اقصد نقاب يعني وايد شغلات راح تتغير ساعدوني شو اسوي شو رايكم دخيلكم ادعولي بالهدايه
خلي عزيمتج أكبر من كلام أي حد . . و تذكري أنج رح ترضين ربج قبل كل اللي يعارضونج
و أدعي ربج تتيسر أمورج
و شدّي العزم
الفترة الاولى يمكن تحسين بصعوبة . . بس مع الايام بتتعودين ان شاء الله
الله يوفقج يا اختي و يهديج . . اذا نيتج طيبة و خالصة لله بتتوفق أمورج بإذن الله
انا الحمدلله قمت آصوم النوآفل من البيض والاثنين والجمعه
ويوم آصوم آمآيه تقولي ليش تصومين بعدج صغيرهـ !
آقولهآ يمآآه زمنكم غير ! نحن الحمدلله الحينه نعرف الصح من الغلط
ونقدر نعرف الدين عدل مدل ونعرف الاجر والثوآب .. والله يخلي النت والتي في الي يسآعدنآ ع هالشي ..
فـ مثل مآقلتلج ..المبآدئ والآرآء تختلف عند النآس ^^
انتي قوي عزمج الغآليه .. وحطي قدآم عيونج رضى ربج ..
وعقبهآ مآعليج من النآس .. لا طآعه لـ مخلوق في معصية الخآلق
صدقيني لو انتي تبين هالشي بتسوينه .. بتتعبين فـ البدآيه .. بس عقبهآآ بترتآحين .. والرآحه الآخيره بإذن الله فـ الجنه
ادعي ربج يهديج ويثبتج ويعينج على ذكره وشكره وحسن عبآدته ..
ولا تهتمي لـ رمسة النآس الي مآتخلص
البنيه من تبلغ تصير محآسبه ع كل شي .. مآيخصه العمر !
ربي يهديج ويثبتج الغلااى
المشاركة الأصلية كتبت بواسطة عاشقه السفر 
آول شي .. العفو فديتج ونحن خوآت مآبينآ شي وهآ وآجبنــآ ..
ثآني شي .. الغآليه
جملة ان شاء الله تكتب بـ فصل ( ان ) عن ( شاء ) .. ولا يجوز ربطهآ لانه يتغير معنآهآ بـ هذه الحآله ..