عندي مشكلة وياليت تساعدوني بالراي المقنع.رح استلم شغلي اليديد عقب 3 اسابيع..ولدي عمره سبع شهور ومحتارة وين احطه وقت الدوام ( دوامي ف بر دبي من 9 الصبح لين 6 المسا).. هل احطه ف حضانة ، ولا اوديه عند عمتي ام زوجي، او احطه عند امي؟ انا هالأسبوع بسكن ف دبي، وعمتي بيتها في بر دبي، وامي ف الشارجة، فكرت اوديه عند عمتي بس مستحية لأن زوجة اخو ريلي بتربي آخر الشهر وهي عايشة بنفس البيت ويا عمتي وطبعا عمتي بتكون مسؤولة عنها بفترة النفاس خاصة ان الحرمة اول مرة تربي ومستحية احط مسؤولية اضافية على راس عمتي.. دلوني شو اسوي، محتارة وايد، واذا تعرفون حضانة زينة ف دبي خاصة ف منطقة الطوار ياليت تخبروني.. ويزاكن الله الف خير..
اختي معن اني مو من الإمارات بس حبيت المساعده
يتراوالي انه تحطينه في حضانه احسن لأن على قولتج انتي ما تبين تحطينه عند عمتج عشان ما تصير عندها مسؤليه اضافيه وامج في الشارجه هم يتراوالي المسافه بعيده شوي بين بر دبي والشارجه ف احسن انج تحطينه في حضانه بس السموووحه ما اعرف حضانه في دبي…
وسووري على المداخله اللي بغير محلها بس مساعده بسيطه..
والقرار في الأول والأخير لج … والموفق ربي بالتوفيق
وشكرا
مع تحيات
اختج في الله
العاشقه للجنه..
حطيييي موقتا عند امج الله يعينج عالدرب
لين ما تحصلين حضانه زينه
بالتوفيييييييييج
او صيري نامي انتي وولدك عند امك واذا جا الصبح خليه عندها وامشي دوامك..
اذا بتتحملين المشوار..واذا ما تحملتيه .. حضانه اامن لكه واريح لقلبك
انا ريلي دوامه ظهر و ليل بس … فبنتي احاول ااخر نومها لوقت متاخر … مثلا انومها 12 و نص او 1
و يوم اقوم للدوام .. ازهب رضعتها و ريلي ايعرف يعطيها الرضعه … عمرها 1 و نص فتقوم من النوم الساعه تقريبا 12 او 12 و نص الظهر … اتكون ها الفتره كلها راقده ويا ريلي .. و اتقوم و اتوديها البشكاره عند عمتي اللي في نفس البيت انا يالسه و ياهم … مع اني اتم احاتيها … بس شو اسوي ., اهلي وااايد بعيد عليه
انتي يييبي بشكاره … و خليها عند عمتج وقت دوامج … تحت عين عمتج اتكزن بس البشكاره اتشلها و اتحطها …. لانه مشوار الشارقه لين بر دبي تعب عليج … و حضانه مادري انا ما اعتقد افكر في يوم احطها في حظانه بنتي
المشاركة الأصلية كتبت بواسطة شوق الغلا 
وأنا أقولج نفس كلام شوق عند امج او عمتج أنظف وأأمن ويا الخدامه ..