اشلونكم حبيبات قلبي
بناااااااااات الامارات ساعدوني بليززززززززز
ان شالله انا ضيفة عندكم بعد يومين
وان شالله راح تكون زيارتي لدبي والشارقة فقط
ممكن تقولون لي عن اهم الاسواق والمجمعات اللي يبعون فيها الملافع والشيلات والعبي والخامات والاكسسورات؟
بنات ما أبي شي غالي!
أنا زرت الامارات اكثر من مره واعرف مولاتها بشكل عام
بس أبي الاسواق التجارية اللي سعرها معقول والمحلات الزينة
حبوبات قبل رحت لشارع وسوق في الشارقة كان كله محلات عبي وملافع(مو مجمع ولامول) كان شارع او سوق بس نسيت اسمه!(انا ما اقصد السوق الاسلامي)
ياليت اللي تعرف اسمه تقولي ضروري؟
ويزاكم الله خير
بانتظاركم حبوبات
بس على الاماكن بنات الشارجة ودبي ان شاء الله بيفيدونج
في الشارجه ما أدل وايد بس في شارع واسط بتحصلين مركزين صغار بس كذا دور وكلهم عبي وهالسوالف (ممكن توصلين لهالشارع من معبر الخليج التجاري بيكون أقرب وأسهل وبتشردين من زحمة شارع الامارات اللي ماتنطاق
انشالله بنات دبي والشارجه يفيدونج أكثر مني وحياج في الامارات
بخصوص الشارجه اممممم ماعرف أي شارع تقصدين
بس عندج مركز حلوان ومركز عهود دووم اسمع عنهم .. تفضلي حبوبه إن شاء الله تفيدج هالروابط:
https://forum.uaewomen.net/showpost.p…95&postcount=5
https://forum.uaewomen.net/showpost.p…8&postcount=32
https://forum.uaewomen.net/showthread.php?t=750029
وبعد عيمان (عجمان) عندهم ايد محلات عبي أسعارهم زينه .. وترا عيمان عدال الشارجه:
https://www.forum.uaewomen.net/showthread.php?t=647662
https://forum.uaewomen.net/showpost.p…64&postcount=3
وحياج الله حبيبتي .. توصلين وتردين بالسلامه إن شاء الله ^_^
في الشارجة بحسب علمي فيه بعد مركز أبو هيل للعبي
في دبي بعد فيه مركز ابو هيل وهذيلا الاثنين كل واحد منهم مختلف عن الثاني مش نفس المحلات وكاسريهم طبعاً
في الشارجة مركز حلوان ومركز العهود
اصلا وانتي تتمشين بتحصلين محلات عبي وااااااااااايد اكثر حتى من المطاعم استوت!!!
لا تكثرين عاد ولا تفصلين وااايد حشرة لان موضتهم بطيح بسرررررررررعة
والمحل اللي تقصدينه يمكن يكون ابو هيل الشارجة
او مركز العهود او حلوان والاثنين في مكان واحد صوب بعض يعني
اما الاكسسوارات فإذا تقصدين الليسات والاكسسوارات اللي تتركب عالقطع والعبي بتحصلينها في الشارجة ، قولي حق سايق التاكسي يوديج محل بيت الاحلام وخذي العنوان من 181 اسم المحل بيت الاحلام بس لا تشترين بس من عنده امشي صوبه بتحصلين محلات مثله يعني لفي كذا محل وشوفي اسعارهم ، وكذا محل صوبه كلهم عندهم اكسسوارات للعبي ووافكار واااااااااايد منوعة
رحلة سعيدة وموفقه اختي