سالفة البنغالي الفقير 2024.

[SIZE="2"]بسم الله الرحمن الرحيم
السلام عليكم ورحمة الله وبركاته

خواتي بدش في الموضوع على طول الله يسلمكم وانا في طريقي الى ابوظبي مرينا على مسجد صوب السمحة بس ما اعرف اي منطقه بالظبت بس هو على الشارع تقريبا يشبه مسجد الشيخ زايد الله يرحمة المهم في هاك المسجد دخل ريلي يصلي وشاف رجل عامل بنغالي ياي يشتكي له انه يايبينه اينظف بس ما استلم راتبه وعقب فترة طويله الصراحه مااذكر متى وقفنا عند هاك المسجد قبل بس هالاسبوع مرينا على نفس المسجد وعقب الصلاةالريال شاف العامل وسأله عن احواله الحين كيف صار قاله العامل (( والله الى الحين ما استلم المعاش من كمن شهر ولا ادري ولا ادري منوالي بيدفع لي المعاش شركة النظافه تقول المعاش عند هيئة المساعدة وهيئة المساعدة تقول المعاش عند شركة النظافة)))) …… وهو وحليله يشتغل بلا راتب صار يقول انه ما له غرفه عاطينه استور ويسبح في حمام المسجد بالماي البارد وفوق هاذا كله ما له معاش وعقب سألت الريال قلتله جان تابعت موضوعه الصراحه يغمض لا معاش ولا مكان وسألت عن اسمه واسم المسجد قال ما اعرف وانشاءالله على الاسبوع الياي بمر مرة ثانيه بناخذ اسمة واسم المسجد يعني حرام فقير ولا عايش في بلاد الغلاء بعد الله يعينه .
انا قلت بنزل الموضوع في نادينا اصحاب القلوب اللينه والرحيمة
عشان انساعد هالفقير ولو بالشي البسيط بالي تقدرون عليه من درهم الى ……………………. كيفكم ما بحدد انتو وبلي ترضون فيه المهم انساعد والي
تبغي اطرش وتساعد هالفقير اتخبرني عشان اطرش لها رقم صندوق البريد على الخاص وانشاءالله نقدر انجمع مبلغ يستانس عليه وناخذ دعواته لنا ولا تنسون الدرهم بعشرة امثالها ويزاكم الله خير .
الصراحه اول ما فكرت بالمساعدة على طول فكرت بمنتدانا الغالي ما اخبي عليكم اما بالنسبه للريال فقلت له يتابع موضوعه ومنو كفيله عشان معاشه .ويزاكم الله خير مرة ثانيه .دعواتكم.

معقوله كيف وين الشركه الي ييايبتنه اخاف . ترا بعضهم سيستخدم هالاسلوب!

ما فهمت عليج اختي اي اسلوب منو المقصود في كلمة بعضهم

اذا كان قصدج شي ثاني ارجو التوضيح
واذا كان قصدج اسلوب النهب في هالموضوع فهذا الحمدلله انا بعيدة عنه والله يبعدنا عن الحرام ما ابا الحرام لا لنفسي ولا لعيالي وبيتي الحمد لله مب محتاجين المحتاج هاك الفقير انا قلت اني بمر الاسبوع الياي على المسجد وبخذ اسمة واسم المسجد والمنطقه والي حابه تتاكد وتسأل او اتمر صوبه فمن حقها وانشاءالله تتأكدين بنفسج …. وراح اطرش لج هاي الرساله على الخاص بعد لانه يمكن ما اتمرين مرة ثانيه بس حبيت ارد واوضح لج الموضوع انساني ومب موضوع نهب يااختي وانا عاذرتنج لانه الصراحه الواحد صار ما يثق بحد في هالزمن المهم انشاءالله تتأكدين الاسبوع الياي وبييب لج اسمه واسم المسجد بعد مع المنطقه
لانه الصراحه حبيت اساعدة وقلت بشوف اذا حد بيساعدة وانا ماحددت المبلغ والله الموفق

لا يمكن الاخت فهمت انه بعض العمال الي يتسخدمون هالاسلوب ما اعتقد قصدها راعية الموضوع

ع العموم الله يكون في عونهم عمال النظافه وخاصة الي يكونون تابعين لشركات لأنه فعلا ساعات تمر 4 او 5
شهور وما يعطونهم رواتبهم

معقوله؟؟؟؟؟!!!!!!!!!!!!!!!!!
ولا يهمج يا اخت اناناسه انشاءالله بمر الاسبوع الياي وبناخذ اسم الكفيل الي يايبنه وبنشوف اذا كان يستلم ولا لا يمكن يكون كلامج صح بعد بخلي ريلي يتأكد من الموضوع واذا كان كلامج صح بدال المساعدة راح اخلي يهزبه.على الكذب لا وفي المسجد ؟! واذا كان صدق فالله يعينه
وبؤجل الموضوع الى الاسبوع الياي ويزاكم الله خير. اسميني ابغي اسير اليوم عشان اعرف ما فيني صبر الى الاسبوع الياي لو قريب بنقول يالله انا غدا لناظره قريب.تابعونا.

صح كلامج وانا ما حبيت اظلم انا قصدي التوضيح لانه من حقها تسأل والله يشهد انه كلامي توضيح وما فيه اي نوع من الرد السيئ او الظلم وانا مب ومن النوع الي يحب يظارب او يعاتب ما لي شغل بالردود وحليلي وانشاءالله هي بعد ما تفهمني غلط او شي وتكون الرساله واضحه وتفهمها مثل ما انا فهمتها وانا تطلبت منها توضيح لانه البنات راح يقرؤون الموضوع ولازم يكون واضح من كل الجوانب سواء عن العمال او الشركات او اشياء ثانيه صح كلامي ولا ؟؟؟ وارجو من اختي انها تتفهم ردي على انه كان للتوضيح لا اكثر ولا اقل وبالنسبه للشركة ريلي يقول لي هاي من اكبرالشركات شركة كلين او كلير للتنظيف والله ما ادري وانا انشاءالله بسأل صار فيني فضول .