اشحالكم يابنات
تعالوا بخبركم سالفتي عالكورنيش اليوم
انا متعوده كل يوم عقب المغرب اطلع امشي عالكورنيش اسوي رياضه ساعه الاقل
ومتعوده بعد اذا بطلع مكان مختلط اني اتغشى او اتنقب
وطبعا النقاب اريح ويا المشي الغشوه كل شوي اطيح ومب ثابته
طبعا اونا امشي دوم اشل وياي دبة ماي صغيره
<<< ركزوا عالدبه سوت شغل اليوم خخخ
المهم يامزيونات انا امشي عالسريع ومندمجه في المشي وامشي وامشي وامشي وامشي وامشي <<< ماشيين معاي خخخ
وانا امشي ولا اسمع صوت وراي
وانا من النوع اللي ماصد وراي لاي سبب
وكملت مشي وبعده الصوت وراي واسمع حد يقولي
مني تعال _ مني _ ها يجي مني _ ورا تعال شوي
بعدني مب فاهمه شو السالفه المهم انا خفيت في المشي بس انقطع نفسي كنت مسرعه
جان اخف في المشي
جان القى هندي وراي ميود تلفون ويرمس ويطالع صوبي
جان افهم الموضوع مسوي عمره يرمس في التلفون واصلا الرمسه حقي
ويقول تعال شوي ويأشر عالكراسي اللي عالكورنيش جنه يقولي تعالي اقعدي وياي
انا ماسويتله سالفه وقلت خلني ارد امشي بسرعه وابتعد وهو بيمل وبيروح
رديت مشيت بسرعه على اساس اشرد منه وعقب خفيت انا قلت خلاص اكيد روح
جان ارد اسمع نفس الصوت ومسوي نفس الحركه ميود التلفون اونه يرمس في التلفون ويقول حقي تعال شوي مني تعال يلا
انا قلت خلاص انا لازم اتصرف واوقفه عند حد هالهندي الخايس
انا طبعا خفيت بالمشي تدرون شو سوا الهندي مشى واجدم لين عندي لين خلاص استوينا جنه نمشي ويا بعض
وخلاص حسيت جتفي وجتفه بتلامسون
تتوقعون شو سويت ؟؟؟؟؟
لا ارادي وماحسيت بعمري غير مبطله غطا الدبه مال الماي وصبيت الماي عليه
وبدون مانطق ولا كلمه وروحت ولا حتى فكرت التفت اشوف شو استوى بالريال
والناس شافوا الموقف بس محد قال شي لاني مب غلطانه ودافعت عن نفسي
وانا مروحه يالسه افكر اكيد الماي دش في تلفونه خخخخخ يستاهل محد قاله يتحرش فيني
هذا يزاه
اذا سلمنا من شباب البلاد مابنسلم من هنود البلاد
يستاهل ماياه
وانا لو بدالج جان استخصرت عليه الماي وعطيته بالدبه على ويهه ههههههههههههههههه
بكون اخس عنج
دواه