سبحان اللهـ ,, هالكثر الدنيا تغير النفوس ! 2024.

شحالكن بناتـ وحريم ..

انا ماعندي مشكلهـ الحمدللهـ ,, بس حابهـ افضفض عن اللي ف خاطريهـ }~

عندي ربيعتي عرفتها من ايام الكليهـ ,,,
كنا انا وياها وااااايد مع بعض }~

نتريق وندرس ونيلس يم بعض ,,,
تعرف كل شي عني وعن هليهـ وكل شي }~

اعتبرتها شراااتـ اختيهـ و زووود ..
صح يتـ فترهـ تهاوشنا فيها ومارمسنها بعض ..
بس اكيد شراتـ الخواتـ ,, لان ماكو خواتـ مايتضاربن ويتهاوشن}~

عقبـ تخرجنا والحمدللهـ ,, واشتغلتـ انا وبعدني ماتغيرتـ عليها ,,
وهي تمتـ ف البيتـ ,, وبين فترهـ وفترهـ اسأل عنها}~

كنتـ دوم ازورها واتخبر عنها وعن خواتها ,, كنت اعزها من خاطريهـ واللهـ ..
ودوم اقولها متى تعرسين ,, تقولي ليش ,, اقولها لازم اتطمن عليج بالاول وعقبـ انا بعرس ..
وطبعا هالرمسهـ مصخرهـ ,, سوالف من بينا }~

المهم من فترهـ كنتـ ادقلها ماترد واستغربـ واحاتيها ,,وعقبـ اسبوع ترد تتصل !
اعذرها واقول اكيييد مشغولهـ ولا شي جيهـ }~

ليين مرهـ شفتها وانا ظاهرهـ ,, وسلمتـ عليها ونحن نسولف ,, قالتلي انا ملجتـ وانا ماسمعتها ..
يعني لو هي من خاطرها مستانسهـ تبي تقولي جان من قلبها خبرتني .. بس حسيتـ انهـ مال غصبـ وانا ماذكر واللهـ }~

المهم عقبـ كمن شهر رمستها اتخبر عن حالها ,, جان تقولي واللهـ انا مشغولهـ واتزهبـ حق عرسي لانهـ عقبـ اسبوعين !!!

انا فجيتـ اعيوني فج !
قلتلها انتي متى ملجتي ,, قالتلي انا خبرتج يوم شفتج ذاك اليوم !
انا سكتتـ وماقلتـ شي بس واللهـ حزتـ ف خاطريهـ ,, وقلتلها عرسج عقبـ اسبوعين وماخبرتيني !! }~

قلتلها تخيلي لو انا ابي اكشخ ف عرسج وابي افصل واسوي وجيهـ ,,
جان قلتيلي قبل ,, انتي ربيعتي وابي استانس ف عرسج .. بس يبتها بطريقهـ مزح ..

تلعثمتـ وماعرفتـ شو ترد ,,
المهم انا شليتـ ف خاطريهـ وقلتلها برايج ,, قالتلي برد ارمسج عقبـ }~

وليييين يومكن ماردتـ تدقلي !
يعني ربيعتي اللي اعزها شراتـ اختيهـ وزود عرستـ اكييييد وخلصتـ وكل شي ولا حتى خبرتني ولا عزمتني حتى بمسج ! }~

يعني سبحان اللهـ ,, من يحصلون الريل يتغيرن !
اللهـ يوفقها ان شاء اللهـ ويسعدها ياربـ ,, بس ليش !
باجر مردج ل ربيعاتج لما بيتعود عليج ريل ,, بتتصلين عليهن وحدهـ وحدهـ }~

سبحان اللهـ مغير الاحوال ,,
ماقدر اقول غير اللهـ يوفقها بس ..

وادري بعض البناتـ بيقولن اني مكبرهـ الموضوع وااايد ومالهـ داعي اكيد انشغلتـ وجيهـ ..
بس انا لو صدق اعز ربيعتي واعتبرها شراتـ اختيهـ واللهـ الود ودي تسير معايهـ وانا اتزهبـ }~