شحالكن خواتي ..
طبعا أنا مارمت أكمل العلاج بالقرآن من يوم بديت العلاج وأنا الأزمة زايدة عليه واااااااااااااايد
لدرجة لو ما يتلاحقوني كان ممكن أموت أو أدش غيبوبة ومادري بالناس ليما أشوف عمري في
المستشفى وحولي هلي وجهاز الأكسجين وجهاز دقات القلب ….
تعبت بكل ماتحمله كلمة تعب من معنى ، ولكن ما باليد حيلة أخواتي غير الدعاء ….
لدرجة الفترة الأخيرة صدري يسوي صفير صوته قوي والبلغم والسعال وويهي وعيوني ماتتخيلون كيف؟!!
شو أوصفلكم من سوء صحتي والحمدالله ثم الحمدالله …
المهم وحده من العضوات ( بسكوته ) عطتني رقم مطوع اسمه حمود وهو ربيع مراد البلوشي …
ياني البيت وقرا عليه وتعبت نفس كل مرة بس هذي المرة غير … هذي المرة ايماني قوي وقلبي معلق بربي وبس …
محد يقدر يهزني ويضرني محد دام الله ويايه …. قبل اييني المطوع صليت قيام الليل وأقسمت بأني مسامحه الجن اللي فيني وبطلب الله يسامحهم إذا خلو جسدي بسلام بسامحهم على اللي راح من عمري من عذاب وبستغفر الله لهم ..
ولكن عمري مابسامح اللي سلطهم علي وغشني في طعامي وأكلني اياه وأنا غافله ساهية لاهية ماعرف شو يتدبر لي ….
ناس حاولت تفرق بيني وبين عيالي وبيني وبين هلي وبيني وبين ريلي وبيني وبين كل انسان حبيته ربعاتي وغيرهن الكثير ….
ناس ماتخاف الله ناس انفسهم خايسه ناس عبدة شياطين مايعرفون بأن الله حق وأنا لي حق والحق بياخذ حقي منهم ….
المطوع ( حمود ) عقب قرأ ما قرأ عليه قالي بعد بأنه مأكول … ولازم أخضع للعلاج بالقرآن والزيت والماء المقروء فيه 21 يوما متواصلة … وقلت ببدأ بالعلاج قريبا بإذن الله …
تعرفون هذا المرض وصل سوءه بأني اذا سجدت اختنق انحرمت من الصلاة لا أقدر أصلي واقفة ولا يالسه اصيييييييييييييييييح بالساعات من القهر …
ما اقددر حتى أتعطر لو ريلي مجبل علي أقوله ماباك … حطموني ليما قررت وكان ربي معي قررت أحاربهم بقوتي الكامنه قوة الانتقام منهم …
أنا ماعرف منو هذا اللي يبى يضرني وأنا ماضريت حد بس بنات وعيال الحرام وايد فتحذرن يا خواتي تحذرن من القريب قبل البعيد ….
لا تثقن بحد موليه مولية … أي أكل اييج من برى مب مضطرة تاكلينه لو حسيتي بشي يخالج نفسج ….
واذا اضطريت تاكلين قولي (( بسم الله الذي لا يضر مع اسمهـ شيء )) ما بيضرج شي بإذن الله ….
بغيت وقفتكن معاي كلهم حاولو يمنعوني أسافر العمرة المقرر سفرنا إليها 30 من هالشهر حتى المطوع قال بتتعبين والدكتور قال بتتعبين ودرب السعودية بالبر مافيه مستشفيات …
بس أنا قناعتي تقول روحي شي هناك يترياني بيت الله ومناجاته هيه ما أحتاجه أنا … رايحه لذاك المكان أعلق قلبي بخالقه هناك استغفره وأخبره وأتذلل عنده …
خواتي : ـ
ادعولي الأزمة ماتيني وأنا رايحه ^^ الكل خايف بس أنا لاء باخذ عيالي وريلي وبروح مع هلي وبالسيارة ….
ادعولي بالتيسيير …
ادعولي بالبركة والخير …
وأخيراً ما أنسى وقفتكم ويايه من أول لحظة كتبت فيها هنيه ، حبيتكن وبحبكن فالله دايما
المحبة من قلب المحبة
سامية الكتبي
شو هالناس إلي ماتخاف الله واااااااااايد تصير هالأشيا والحسافة مرات تصير من أقرب الناس لج حبيبتي
تحصني كل يوووم وحطي البقره كلل يووووم في بيتج
والله يشفيج ويبعد عنج العين والمس والسحر
اللهم آآمين
وحسبي الله ونعم الوكيل على كل ظالم
الله يشافيج يا الغاليه ويثبتج ويفكج من اللي انتي فيه
والله يقوي ايمانج وتسيرين وانتي مرتاحه وتردين وانتي بخير ان شاءالله
لا إله إلا الله