حبيت افيدكم من خلال تجربتي الشخصية مع العلم هالخطوات يبالها قوة إرادة وبس بدون رياضة ولا حتى مشي
فالبداية بقولكم معلومة الرجيم يعتمد 90٪ على الأكل و10٪ بس بتفيدج الرياضة
يعني كل ما تحافظون على الأكل تحافظون على أجسامهم والرياضة مجرد لشد الجسم وتقويته
أنا وصلت مرحلة أني ماحب أشوف جسمي فالمنظرة ومن هني بدت عزيمتي كان وزني 68
1-اول 3 أيام بديت اكل بس روب فيتال قليل أو خالي الدسم .
في هال3 أيام بتحسين بصداع من اليوع بس أنا كنت أتحمل وأرقد
الفائدة: تذوب الشحوم المختزنة وتقلص المعدة بحيث فالمرحلة الثانية بيكون عادي عندج ماتاكلين وايد
2- ريوق فقط ويكون كورن فلكس او سيرلاك مع ماي وكله قليل الدسم والعصر يا تفاحة خضرا أو روب فيتال
لمدة أسبوع مع شرب 4 غرش ماي موزعه على اليوم كامل ومايكون حار ماي بارد معتدل
3- ريوق مع غدا والغدا يكون شئ خفيف بعد والعصر إذا حبيتي تأكلين روب فيتال لمدة أسبوع بعد
ملاحظة : انسي شئ اسمه عيش أو فواكه أو مقالي أو حليب أو خبز ابيض والحلاويات والغازات
ويفضل شرب شاي اخضر 3 مرات كحد أقصى فاليوم الواحد من بداية الرجيم
# خواتي عقب أسبوعين بس وزني صار 55 والحمد لله وبشرتي بدون صاااااافية وابدن مب متعب بس اول 3 أيام
والأفضل تآكلين بروحج وتجنبي الأكل فالعزايم والله حتى فالعزايم كنت يوم يحطون اكل ادخل داخل لين مايخلصون وعقب ارجع لهم
وصدقوني عقب هالرجيم معدني تقلصت ولمدة شهر كنت اكل أي شئ أحبة بس بدون عشا العشا وااااااايد يمتن والشاي الأخضر رهيييييب فالحرق
والحين أنا امشي كل يوم من عقب الرجيم ساعة الكرش اختفت وأنا ضعفت وجسمي تخصر ماشاء الله تبارك الرحمن صدق بسكم من خلطات أو العبالة العلة فأكلنا
عقب هالرجيم دشي جيم وسباحة وشوقي كيف بتصدمين الناس وادعي لي 
والله حتى دورتي ماكانت منتظمة وانتظمت من الرجيم 
والسموحه لو طولت ولأي استفسار برد عليكم اول بأول بإذن الله 
اهم شئ الإرادة أسبوعين تنزلون ١٥ كيلو وإذا تبون تنزلون أكثر عادي طولوا فالرجيم بس لو تابعتي خطوة بخطوة بأسبوعين ١٥ كيلو تنزللين ويثبت وزنج بإذن الله
موفقه ان شاء الله 
بالعكس أنا وايد اقرأ عن الصحة والرجيم والرياضة واتابع برامجهم يوم تنزللين بسرعة تعودين تصدمين جسمج فبيبدا يحرق أكثر وأنا مخلصه الرجيم من شهور وثابت وزني للحين الحمد لله مع أني اكل كل اللي أباه ومرات أتعشى بس أكثر الأحيان ما تعشى حتى الحين يوم اكل شوي وخلاص اشبع معدتي تقلصت وغير جي روب فيتال وايد مفيد لحرق الدهون
وأخواتي هالروب فيتال يشبع ويسد الشهية ويغنيج عنن وجبة واللوز يضعف بعد وخاصة لو كان ريوق
المقصود من ثلاث أيام روب أن اقلص المعدة واحرق الشحوم المختزنة وأنا كنت كارهه عمري فقدرت وعديت هال مرحلة ولين الحين والله آكلي شويه وأشبع