بإذن الله ناوين نسير ألمانيا والنمسا..
براويكم أنا كيف خططت مبدئياً للرحلة وابا مشورتكم؟!!
أول شي الرحلة بتكون من طيران الإتحاد..
من بوظبي.. لميونخ.. ذهاباً..
من ميونخ لبوظبي.. إياباً..
سعر التذاكر لي ولريلي وبنتي.. 7530 درهم..
مدة الرحلة من 13-7.. إلى 21-7.. إن شاء الله
تقريباً 8 أيام و7 ليالي.. ومب محطين في بالنا نطول أكثر عن جي..
بغيييت أعرف كيف أرتب للسفرة لزيارة هالأماكن..
ميونيخ.. زيلامسي.. فيينا..
وكل مدينة كم يوم يبالها بالنسبة لمدة رحلتنا..
وشو أحسن الفنادق اللي تقع في قلب المدن..
وشو الأحسن التنقل بالقطار من ميونيخ لزيلامسي لفيينا..
ولا بالسيارة أحسن؟ وكيف الترتيب بالنسبة لحجز السيارة؟ والخ..
نحن محطين في بالنا من نغادر بوظبي.. ونوصل لميونيخ نتم كمن يوم ( بس ما حددنا كيف توزيع الأيام).. وعقب على زيلامسي و فيينا.. وعقب نرد ميونيخ على طول للمطار ومنها لبوظبي؟!!
وهالمرة بنعتمد على أعمارنا في حجز السيارة والفنادق والتذاكر أحسن من مكاتب السفريات..
والميزانية بتكون 35ألف شاملة كل شي ما عدا التسوق..؟؟
قولكم بتكفي ولا؟
أتمنى اللي عندها خبرة تفيدنا..
ومشكوورات أدريبكم ما بتقصرون وياي 
بس المشكلة في مسار رحلتكم
يعني .. أنا يوم سرت كانت رحلتنا
فيينا .. سلازبورغ .. زيلامسي .. ميونيخ
فالمسار كان أوكي
بالنسبة للفنادق على حسب الميزانية اللي عندج
بالنسبة لفيينا .. التنقل فيها عن طريق المترو أفضل
لأن المدينة زحمة
أما زيلامسي .. لو اتأجرون سيارة أفضل
علشان تتحوطون في المناطق المجاورة لزيلامسي
ميونيخ .. بعد استخدام المترو أفضل
وبالنسبة لحجز السيارة .. احجزوا من هني
يوروب كار – هرتز .. ها الشركتين اللي أتذكرهم
اتمنى من البنات يتجاوبون مع موضوعج عسب الكل يستفيد
الافضل تزيدون المدة
او تقليل المناطق
خليها ميونخ و زيلامسي بس
استاجروا سيارة تاخذونها من المطار
و سيروا زيلامسي اقعدي فيها 6 ايام
و اخر يومين ميونخ
و حطي في بالج انها استجمااااااام
يعني قعدة على البحيرة
او قعدة في حديقة
لانه زيلامسي طبيعة اكثر من سياحة ( مولات و ملاهي)
و اكثر الحدائق بعيدة 3 ساعات و 4 عن زيلامسي
خلااص قررنا .. نسير ميونيخ.. وزيلامسي ومانبا نطول وايد في زيلامسي.. لني احسها واايد هادية ونحن ما نحب جي..
بس ابا اسألكم أسئلة؟
شو
أحسن الفنادق في ميونيخ؟ وزيلامسي؟
ومن أي شركة أروم أحجز سيارة؟ عسب أوصل ما نوصل من المطار تكون ويانا لين ما تنتهي الرحلة؟
وغير جي؟ كيف تعاملهم مع العرب؟ يعني لو وحدة لابسة شيلة وعباة؟
وشو أحلى الأماكن في ميونيخ غير المارين بلاتز؟ وشارع الماكسيمليان؟ ووين الآوت لت مالهم؟
وفي زيلامسي؟ شو الأماكن اللي تستحق الزيارة؟
وهل لو حجزت التذاكر والفنادق عن طريق النت؟ بيكون كل شي تمام؟ ولا عادي يخونون فينا؟!!
ساااعدوني بليز.. اللي تعرف لا تبخل علي