سفرتي، أرجوكم أدخلو؟ 2024.

السنة بسافر تايلاند 1/ 8 / 2024
بحجز في شنجماي 5 أيام في فندق شنجماي بلازا ( سويت )
و في بانكوك بل ايربرينسس 9 أيام ( تربيل )
أنا وريلي وعيالي ( 5 سنوات ، 3.5 سنة ، 1.5 سنة)
طلعة تكلفة الرحلة 28650 درهم من خلال طيران التيلاندي (ما في حجز على الامارات)
حجزت من خلال الثريا للعطلات في رأس الخيمة
أتمنى اتفيدوني بأي معلومة عن الفنادق التي اخترتها أو عن سعر الرحلة أو عن الطيران التايلاندي لأني باجر بسير أدفع العربون

بعدي اتريه مساعدتكم

السلام عليج اختي ..

الصراحه انا سرت تايلاند وسكنا بفندق اماري ببانكوك والصراحه روعه

والاحلى ان كل شي قريب عندج وبوسط العرب … والصراحه ماهوب اي فندق … يعني فندق فخم ..

انا بعطيج رابط وشوفي احسن الفنادق ومعاهم الاسعار واختاري انتي

https://hotels.7ojozat.com/City/Bangkok.htm

اما عن المنطقه الثانيه الصراحه ماسرت

وانا يوم سرت بانكوك علاج علشان جذا اخترنا هالفندق وكنا لشخصين

يالله الله يوفقج اختي انشالله وبتستانسين واااااايد بتايلاند ومابتحسين بملل

مشكورة اختي زهووور على ردج لي
ومشكورة على الرابط بس المشكلة لغتي الانجليزية شوي

االصراح انا بفيدج عن الطيران التاليلاندي ما انصحج تحجزين عنده صراحه مايسر ابد لازم كل رحله في هذا الطيران فيه ترانزيت ومب مريحه كراسيهم ابد ومعاملتهم لج مب زينه يعني في كل شي مايسر وبالنهايه والاخير الاختيار لج وان نشاء تستانسين والله يوفقج.

مشكورة اختي شماااا العين ولكن مشكلتي أن الطيران الاماراتي ما في حجز لتيلاند ( الكل ساير تايلند)
وريلي ما يبى طيران الاتحاد عشان انه في ابوظبي ( الدرب اطويل …. )