يا ريت لو تقدرون اتفيدوني بخصوص سفر الحامل و في أي شهر يطلبون منها في المطار ورقة أو تقرير طبي؟
ومتى لازم اطلع هذا التقرير من الدكتورة؟
ياريت اللي سافرت وهي حامل اتفيدني بتجربتها .. أنا حالياً في أول الشهر السادس .. وشكراً .gif "12 (43)")
الله ييسر امورج … سافري ولا تحاتين مووووول
وكنت مسافرة لمدة 3 ايام بس ،، سافرت الاربعاء ورجعت السبت
وكان معي تقرير من عند الدكتورة اوراس
وانا مسافرة والله بهدلوني سألوني عليه على البوابة قبل لا ادخل الطيارة واخذوها مني قالو ان الورقة لازم تتم عندهم قلتلهم طيب انا راجعه بعد 3 ايام كيف برجع ،، قالولي لازم تروحي عند دكتورة مرة ثانيه وتجيبي ورقة
قلتلهم ماااااااافي وقت لاني بروح 3 ايااااام بس ،، قالو ما يخصنا
وبعدين لما دخلت قبل لا يسكرون بوابات الطيارة جاني الطيار وسألني عنها وقالي ان الورقة لازم تتم معاي عشان ارجع فيها وقلتله انه هو اخذها مني وقال انها بتتم معاه قال لا الحين انا اجيبها ،، وجاب الورقة واعطاني ياها بس قالي ان كان لازم اصورها عشان ياخذو صورة والاصلية تتم عندي ،،،،، وكان معه مضيفة الطيارة
كانت تضحك معاي تقولي لاااااا تسويييييييينها انا ولدت 4 على الطيارة ما عندي استعداد يصيرو 5 هههههههههههه
لكن وانا راجعه من يومين ما حد سألني عنها ولا طلعتها من الشنطه
وانا كمان بأول الشهر السادس
الله يسهل عليكي وعلي وعلى كل الحوااامل يااارب
انا دكتورتي قالت لي امرها قبل السفر بيومين بتعطيني الورقه الي تجنبني امر تحت جهاز التفتيش بس مادري اذذا هذي الي تطرونها او شي غيرها..