كيف الحال؟
طبعاً يكاد لا يخلو بيت في شهر رمضان من السمبوسة بين فترة وفترة .. بس المشكلة في عجينة السمبوسة الجاهزة إنها تشرب الزيت وقت القلي .. لا وبعد وأحياناً تطلع طرية ولينة ومب مقرمشة شرات سمبوسة الهنود .. وها نموذج من السمبوسة الفاشلة اللي تلمع من كثر الزيت اللي تشربه:
بس اليوم اخترعت طريقة وجربتها وطلعت رهييييييبة .. السمبوسة مقرمشة وما تشرب زيت ولذيذة .. وهاي هي صورتها.
أما الطريقة فهي عبارة عن:
عقب ما تحشين السمبوسة وقبل لا تقلينهم .. تخلطين شوية ماي على شوية طحين أبيض.
و تكون الخلطة سائلة.. يعني اتحسينها شرات اللبن أو الشوربة وتضيفين عليها طشونة ملح .. وعقب تغمسين السمبوسة في هالخلطة واذا الزوايا والأطراف مفتوحة تقدرين اتسكرينها .. وبعدين تقلينها عادي .. وعاد شوفي النتيجة الخطيرة.
بنات ترى أنا ما أعرف كم مقدار الماي والطحين .. لني خلطتهم من غير قياس .. المهم يكون شبه سائل شرات اللبن أو الشوربة.
أنا قلت ما ببخل على خواتي بتجربتي وما أبغي منكن غير الدعاء بأن الله يوفقني.
جربن .. وبالعافية عليكن.
اثاااري هاااااي المشكله لووول
زيين والله
تسلمين الغاليه
والله يوفقج ان شاء الله