مساااااااااااااااااااااااء أو صباااااااااااااااااااااح ال يمي يمي وال هم هم .gif "12 (88)")
طبختنا اليوم غيررررررررر … طبعاً شفتو العنوان .. اسم الأكله … مسكوف … وهالأكله منتشره عند العرب المقيمين في لندن … تلقونها في المطاعم العراقيه … نوع السمك اسمه سيباز … وفي البلاد احتمال كبير تلقونه في كارفور …
وطعمه الصرااااااااحه لذيييييييييييييذ …. جربو وما بتندمون … وكالعاده حياكم الله في مطبخي
والحين نبدأ بسم الله
أول شي بحط لكم طريقة العيش ( الرز ) …
المقادير
كاسين رز
نصف بصلة صغيره مقطعه شرائح
زيت
ملعقة ملح
ملعقة صغيره كركم
الطريقه
طبعاً أول شي نغسل العيش ونخليه في ماي فاتر تقريباً من عشرين إلى ثلاثين دقيقه … لين ما تشوفين ان لونه صار ابيض …وفي نفس الوقت نحط ماي تقريباً ثلاث أرباع الجدر ونخليه لين ما يغلي .. بعدين نحط عليه الملح ونضيف عليه العيش
بعد ما العيش يستوي وتلاحظين ان حباته طالت واستوى عليها خطوط عرضيه ترفعينه من على النار وتشخلينه ( تصفينه من الماي )
الحين تحطين شوية زيت في الجدر واتحطين عليه شرايح البصل وشوية كركم عشان يعطي اللون الأصفر
نخلط البصل ويا الكركم على النار لين ما يتحول لونه للذهبي
الحين تشيلين شويه بصل ويا الزيت ونحطهم على صوب … وتخلين شويه في قاع الجدر
تحطين العيش المشخول في الجدر فوق البصل والزيت اللي خليناهم في القاع ونحط عليهم البصل والزيت اللي خليناهم على صوب … وبعدين نغطي الجدر ونخليه على نار خفيفه تقريباً 45 دقيقه عشان يتسكر
……….
والحين مقادير خلطة الطماطم والفلفل …
عدد 2 طماطم مبشوره
فلفل اخضر حار مقطع قطع صغيره
ملح
فلفل أسود
ليمونه
زيت زيتون
الطريقه
نخلط جميع المقادير السابقه مع بعض ونضيف زيت الزيتون
وهذي الخلطه جاهزة
يتبع ….
والحين وصلنااااااااا للمهم …. ألا وهو السمك ….
وهذذذذذذذا شكل السمك …
طبعاً تغسلين السمج وتنظفينه وتفتحينه مثل ما هو واضح بالشكل …
الحين تضيفين عليه البهارات الخاصه بالسمج .. وبدون إضافة الملح لأن البهار هذا فيه ملح … وتضيفين عليه بعد الفلفل الأحمر البارد المطحون ( البابريكا ) عشان يضفي عليه اللون الاحمر
وهذا شكل السمج وعليه البهارات
نشغل الفرن على درجة حرارة 180 ونخليه في الفرن مدة 55 دقيقه
بعد ال 55 دقيقه يكون السمج جاهز للأكل … نطلعه من الفرن ونعصر عليه ليمون ..ضروووري الليمون لا تنسونه لأنه من أساسيات هالطبخه
وهذاااااااا طبق التقديم ويا العيش وخلطة الطماط والفلفل
وصحتيييييييييين وعااااااااااااااافيه على قلووووووبكم
و ان شاء الله اجربه 
تسلم ايدج
شكله لذييييييذ
طبخه رائعة ^_^
تسلم الأيادي وفانتظار طبخاتج اللذيذة