شحااااااااالكن خواتيه
وتقبل الله صيامكم وطاعاتكم يارب
لاحظت القسم مشبع بالمواضيع
الكيك والكب كيك
البسكويت
وسويت الطبقات
مع ان الخوات مايقصرن مبدعات بكل هالمجالات بس احس انه صاير روتين جدا ممل اتذكر من زمااان ماسويت سويتات الطبقات بصراحه مليت الطعم وحسيته ممل لان اساسياته وحده كنت احاول عبر كذا طريقه ونكهات اغير بس ماحسيت بفرق ومتعه بالاكل هههه خبركم الاكل يباله لسان متذوق واكيد هذا مهم
اكيد كثير منكم سارت مطاعم وجربت سويت السوفليه عاد السوفليه مايباله تعليق شي ولا اروع بصراحه سويت ماينمل اكله ولا تحسين انج تبين توقفين بالعكس تبين الصحن مايخلص هههه
لجذا قلت بفيد خواتيه العزيزات وعطيهن طريقه جدا جدا جدا سهله وبإمكان اي وحده منكم تسويها والمواد في متناول الجميع شفتوا كييييف !!
الحين انا بعطيكم بعض المعلومات المهممممممممممممممه ولازم لازم لااااازم تراعونها يابنات في عمل السوفليه ولا تستهينوا فيها لان هي يلي تخلي السوفليه ينجح او ممكن تخليه فاشل وبجداره ^__^
طيب
المقادير عباره عن
6 بياض بيض بدرجة حرارة الغرفه
6 صفار بيض بدرجة حرارة الغرفه
شوكولاته فاخره ممكن شوكولاته خام او نوتيلا تدمجيهم مع اني افضل الخام وافضل نوع يابنات يلي تكون نسبة الكاكاو فيها 70% هاي اعرفوا انه خام خام مب اي كلام بتحصلين مكتوب ع الغلاف
2 م ك كاكاو بودره
طيب نبدا باسم الله
بنات السوفليه فيه انوااااااااااااااع كثيييييييييييييييييييييييييييييييييييييييييييييييي ييره ولكل نوع مذاق مختلف عن الاخر والسوفليه اكله فرنسيه قديمه وايد الوحيده يلي ماتغيرت مكوناتها من بداية صنعها ^__^
حبيت اقولكم هاي المعلومه عن منشأ السوفليه الاصلي
والسوفليه بيكون من برع مثل الكيك يعني قشرته قاسيه ومن داخل لين شبه سائل
اول شي اوووووووووووووووول شي واهم شي البياض يااااااااااريت يابنات اول ماتطلعونه من الثلاجه تفصلونه ع الصفار ويفضل من 48 ساعه للمعلوميه كل ماكان البيض وياج بالثلاجه قديييم يعني من اسبوعين لثلاثه كان افضل للميرانج يلي بنسويه احين
ثاني شي مهم يابنات
وعاء الخفق ارجوووكم لاتخفقون البياض بوعاء بلاستك ليش ؟؟ لان معروف ان البياض مايتحمل الصفار وماينفش مووول عند الخفق ونحن نبي ميرانج ناجح ميه بالميه لجذه ارجوكم يوم تفصلونه وهو بارد يكون بمله صغيره عسبت لو طاحت قطره من الصفار ماتضيفونه ع البياض ترى قطره وحده تخرب الميرانغ الصفار ياخواتي كله دهون والدهون ماتخلي البياض ينفششش ابدا حطوها في بالكم
طيب الحين بتقولوا طيب الزجاج !! الزجاج ممكن بس مشكلته انه مايخلي الميرانج يتسلق ع الوعاء فأحسن حل يكون الاستيل مب الالمنيوم لان الالمنيوم نفس الشي يخرب شكل الميرانج يخلي لونه غامج وطعمه معدني
غسلوا الاستيل زين ونشفوووه بمنشفه نظيفه وتأكدوا ان ادوات الخفاقه نظاف من اي ماده دهنيه
الحين نروح للمرحله الثانيه
خذوا جدر عود بحيث بنسوي حمام مائي مب حار لالا بنسوي حمام دافي ونحط الشوكولاته تسيح ع البخار يابنات لا تخلونه يلمس الماي تدرون لان الشوكولاته ممكن ينطبخ ع الماي الحار ويخترب وبجذا مارح تستفيدون الا تكبونه بالزباله وانتبهوا من اي قطرة ماي لانه يخرب نفس الشي
الحين نسيح الشوكولاته عقب ماتسيح بتاخذ وقت بس مب مشكله عادي المهم تسيح ونضيف ملعقتين كاكاو او شوكولاته بودره بعد ماننخلها ونحرك شوي شوي
الحين تروحون للبياض تبدون تخفقونه على درجه متوسطه مع اضافة ذرة ملح لان الملح يثبت الميرانغ
وتبدون تخفقون بدرجه اسرع
بنات الميرانغ بيكون بثلاث مراحل
يبدا شوي كريمي
ويصير متكتل بعض الشي
واخر مرحه لمن ترفعين الخفاقه يطلع على حواف الخفاق على شكل منقار الطيور اكيد فهمتوني يعني بيطلع شبه حاد بالطرف
هاي المرحله يعني الميرانغ استوي ولازم توقفون خفق ولا بيتكون تحت الميرانغ ماي
خلصنا الميرانغ ونروح للصفار نخفقه شوي بالخفاقه ترا عادي لو تم فيها مال الميرانغ مايخرب شي بس العكس بيدمر الميرانغ ^_^ نضيف البيض للشوكولاته ونحركهم
نكون مشغلين الفرن ومجهزين قوالب السوفليه لو ماعندج القوالب المخصصه مب مشكله سوي بالبايركس امسحي القاع بالزبده ورشي كاكاو بودره ع القاع والجوانب
الحين بنيي حق اهم نقطه وهي كيف نحرك الميرانغ والشوكولاته
انا استخدم ملعقه بلاستك مخصصه اسباتيولا بلاستك لان اي معدن ممكن يخرب الفقاعات يلي تعبنا ونحن نسويها بالبياض لجي انصحكم بملعقه خشب او بلاستك
نبدا ناخذ شوي من الميرانغ ونضيفه للشوكولاته ونحركه بشكل نص دائره وقبل النص نقسم الخليط ماعرف كيف اشرحها بصراحه بس وكأنج بتسوي نص دائره بالضبط بشكل بطيء مب سريع عسبت ماتكسرين الفقاعات
تبدين تضيفين شوي شوي من الميرانغ لين تخلصين الكل وبتصير كلها بلون واحد
الحين صبي الخليط ولو فرنج حرارته قووويه حطي القالب داخل صحن خفيف عسبت لا يحترق
الحين على حراره متوسطه ولمدة 20 دقيقه او 15 ويكون الميرانغ جاهز
طلعين ورشي عليه سكر بودره وقدميه حار قبل لا يهبط لانه يهبط بسرعه
واتمنى يعجبكم يارب
للاسف مالحقت اصور لاني كنت وايد مشغوله وهني بعد ماطلعته من الفرن شوفوا كيف من داخل
وهني سويت البفالوفا للعيال عيبهم وايد
وابي منكم دعوه حلوة
ربي يعطيج العافية ومشكورة للشرح
6212 اغاثة الصومال 20 درهم
6215 اغاثة الصومال 100 درهم
تسلم الأيادي أختي
عن أبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ
: « مَنْ جَلَسَ مَجْلِساً كَثُرَ فِيهِ لَغَطُهُ ،
فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ :
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ
أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ »
6604 إفطار صائم 10 دراهم
6605 كسوة العيد 20 درهم
6210 صدقة عامة 10 دراهم
6602 رعاية معاق 10 دراهم
المشاركة الأصلية كتبت بواسطة ~ ذرى ~ 
يلا عيل نترياج متاكده انج مبدعه ^__^
تسلمين حبيبتي ع المرور منووووره
المشاركة الأصلية كتبت بواسطة *نيويورك* ربي يعطيج العافية ومشكورة للشرح
ويعافيج حبيبتي تسلمين ع المرور الغاوي ^__^
المشاركة الأصلية كتبت بواسطة bellegirl
6212 اغاثة الصومال 20 درهم
6215 اغاثة الصومال 100 درهم
تسلم الأيادي أختي
عن أبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ
: « مَنْ جَلَسَ مَجْلِساً كَثُرَ فِيهِ لَغَطُهُ ،
فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ :
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ
أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ »
6604 إفطار صائم 10 دراهم
6605 كسوة العيد 20 درهم
6210 صدقة عامة 10 دراهم
6602 رعاية معاق 10 دراهم
الله يسلم اختي العزيزه
منوووره دووووووووووومج ^__^