السلام عليكم ورحمة الله وبركاته
هالموضوع قدييييييييييييم كنت مطرشتنه عن طريق الجروب
ولاني ابا انزل موضوع وكل صوري انحذفت يوم كمبيوتري مرض فقلت انزل
هالموضوع … لين ماسوي شي يديد واصوره لول
———————————————————————–
اليوم ان شاء الله بحط لكم سويتات خفيفه وسريعه كالعادة
اعتقد الاغلب يعرفها … لانه نعرفه من نحن يهال
المقادير تقريبا مثل ماهي للثلاث انواع من الحلو
وهي عبارة عن الباقي من الكيك الزايد … يعني اذا البارحه مسوية كيك وزاد منه
ممكن تستخدمينه في شي ثاني .. وتكونين جنج مسويه اكله يديده
في وايد افكار وسويتات بس من الكيك الزايد
بحطلكم مقادير وطريقة كل سويت بروحه
واتمنى هالخفايف تعيبكم
مقادير الحلو الاول:
بقايا كيك سابق أو تسوين الكيك الجاهز وتفتتينه مثل مامسوي انا
وتحطين عليه قشطة وتخلطين .. وممكن حليب مركز للي يحبون الحلو وايد
بسكويت .. لاتغلطون غلطتي وتستخدمون بسكوت مالح .. ما نتبهت انه مالح
صورة الكيك بعد ماظهرت حرتي فيه
الكيك بعد ماحطيت عليه القشطه ..بس ماحركته عدل عشان اصور واكمل
كاكاو سائل..مثل نيوتيلا ..ممكن المعصار اللي بدرهم مال الروضة
اللي طاقيته حمرا … احبه .. لذيذ جدا.. لول
هالكاكاو اللي استخدمته… تكونين مظهرتنه من الثلاجه عشان يكون سايل وسهل الاستخدام والمد
تحطين الكاكاو عالبسكوت … وممكن تدهنين و تصففين بسكوت مستطيل الشكل في صحن .. وتسوين نفس الخطوات ..وممكن تسوين كذا طبقة
المهم خلنا من الهذره الزايدة
تدهنين البسكوت مثل مافي الصور وتاخذين الكيك وتكورينه وتحطينه عالبسكوت وتحطين البسكوت الثاني عليه
وبس … ماقلتلكم سويتاتي سهله وخفيفه
وممكن تزينين بخطوط كاكاو او بالدريم ويب … بس نحن كنا مسوينه حق اليهال ..ومافينا يخسون عمارهم
وصينية ثانيه سويتها بخطوط كاكاو للكبار … لكن للاسف صورة صوره وحده وكانت مهزوزه لاني كنت مستعيلة
المقادير
كيك مفتت
تحطين عليه كاكاو … وممكن بالقشطة والحليب المركز
تكورين الكيك وتحشينه بحشوات مختلفة
انا حشيت بالمكسرات .. مب مطحون طبعا مثل اللوز والبندق وعين الجمل .. تحطين حبه في كل كوره
كاكاو ماذكر اسمه ..اللي كيسته حمره ..وفيه كرات كاكاو
ومنهم خليتهم بدون حشو … للي مايحب حشوات
عقبها … تاخذين كورن فلكس وتطحنينه بيدج وتلعبين بالكور في الكورن فلكس
وبس … سهل صح
——————————
السويت الثالث والاخير:
ها سويته عقب الغدا … وماخذ مني وقت
كانت مسويه اليوم اللي قبله الكيك الرخامي… وزاد
وسرت سويت به هالسويت السريع
وهو عبارة عن كيك مفتت بالايس كريم …يممم لذيذ الايسكريم في البرد ..ا. له طعم غير
الطريقة سهله والاغلب يعرفها اعتقد
اتيبين ملة وتطين عليها الورق الشفاف وتحطين وتغطين المله بالكيك وتكون عندج ملة فيها ماي بارد تغمسين ايدج فيها وترتبين الشكل وتحطين كذا لون من الايسكريم..وتحطين طبقة فوقه وتغطينه بالورق الشفاف وتحطينه في الفريزر
ها سويته وعلى طول عطيت اخوي لاني اعرف انه يحبه
ودوم اسويله
وتزينينه بالطريقه اللي تبينه
انا زينته بالايسكريم وبخطوط كاكاو
ها شكله من الداخل
وبالعافية عليكم
ان شاء الله عيبكم شي بسيط من بقايا الكيك
ولا تنسوني من دعواتكم سواء عيبكم ولا ماعيبكم
يشهييييييييي >_< ابااه الحينه اهيء
سلمتي وتسلم يمنااااج الصراحه ~_* خطيره ماشاء الله علييييييج
بجرب بسوي وباكله ومابعزم حححد ههههههه ^.^
كيكة تسوينها وتحطين عليها صوص او حليب مركز
وتكورينها وتحطين في النص اللي تبين ..كاكاو .ام اند امز مكسرات
وممكن الاطراف تحطين له مكسرات مطحونه او بسكوت مطحون
انا حطيت بسكوت مطحون
وطلع لذيذ وعيبهم وخفيف خاصه اللي بالكاكاو
والحين اخليكم ويا الصور
[IMG]https://www.geocities.com/swer_uae/swer/baq.jpg
[/IMG]
كل ماسويتي بسرعه يكون احسن لانه يبدا الكيك يتشرب الحليب المركز او الصوص
وتغطين الاطراف بالبسكوت المطحون او الفستق او المكسرات حسب ماتحبين مثل ماقلت قبل
وهاي الصورة اتوضح وتبين اكثر شكل التغطية الجانبيه
في صحن التقديم
اتمنى انه عيبكك
ولا تنسوني من دعواتكم
فمان الله
المشاركة الأصلية كتبت بواسطة اليزوي 
يشهييييييييي >_< ابااه الحينه اهيء
سلمتي وتسلم يمنااااج الصراحه ~_* خطيره ماشاء الله علييييييج
بجرب بسوي وباكله ومابعزم حححد ههههههه ^.^
هالله والله باول مشاركه سريعه لول
تسلمين على هالمرور الحلو اللي اسعدني وكلامج الحلو
ولايهمج فتحي الباب بتحصلين الاغراض عندكم لول
ترا الطريقه سهله ( احم احم كل اللي حطيته سهل ومايباله شي)
جربي ومايباله شي بالمره ودقايق وانتي مخلصه
ثانكس على مرورج الحلو وتواصلج؟؟
وتسلميييين علي المجهود الحلو
المشاركة الأصلية كتبت بواسطة شيما333 وتسلميييين علي المجهود الحلو
احم احم استحييييييت لول
ثانكس على مرورج وكلامج الروعه اللي اسعدني
وان شاء الله تيربينهم ويعيبونج