أنا من 11 شهر معرسة ولين ألحين ما حملت اللهم لك الحمد والمنة اللهم لا أعتراض
ودورتي مووول مب منتظمة
الشهر إلي طاف نزلت علي الدورة تاريخ 3
وهالشهر مايت لي لين ألحين وأحس مرات بلووعة وبصداع وخمول وبمغص وتنزل عندي إفرازات بيضة أو إفرازات جنه ماي شفاف
ومن أتحرك شوي ظهري يعورني واايد
وأنا كلل ها ما ربطته بالحمل كنت أتحرى هاي الأعراض من الامساك
لأن الله يسلمكم مريت فترة بإمساك مزززززمممن من الخاطر يت ليلة كللله أرجع وفيني لووعة وسرت المستشفى الدكتور عطاني أدوية ومن بينهم مضاد حيوي ومن خذته الحمدلله إفتكيت من الأمساك
بس هاي الاعراض بعدها موجودة
واليوم سرت سويت تحليل دمم طلعت النتيجة إني مب حامل والله واايد أنحبطت بس أنا أعرف إن الله حبيبي يبالي الخير بس هذا مال المختبر قالي إن أصلا أصلا التحليل ما يبين إلا عقب مرور أسبوع عن تأخر الدورة أو خمس أيام
وأنا إلا بس البارحة موعدها فهل له علاقة وإلا
هل أتم ع أمل إنه يمكن حامل
وإلا خلاص النتيجة تكوون أكييد
وإذا أن شالله كنت حامل هل الأدوية إلي خذتها بخصوص الإمساك ومن بينهم المضاد تأثر وإلا لأ
علما إن الأدوية خذتها على طوول عقب أيام الإباظة
بنات أدعوولي والله ف خاطري
قولي ياارب أكون حامل
وتفرحين وقلبج يفرح امين يارب ..
وماتشوووفين دورة الا بعد 9 شهور يارب يا كريم
الله يرزقج يارب
ويزرقنا وكل محرومة يارب ..
سبحان الله وبحمده … ^.^
ولا تنسين الاستغفار ويقول الله تعالى : بسم الله الرحمن الرحيم { فقلت استغفروا ربكم انه كان غفارا (10) يرسل السماء عليكم مدرارا (11) ويمددكم بأموال وبنين ويجعل لكم جنات ويجعل لكم انهارا (12) } سورة " نوح "
وعليج بدعاء والاستغفار .. والله يفرحنا جميعا ..
بخصوص فحص الدم إذا كان مال موجب وسالب ممكن يكون في حل متأخرة وما بين
أنا اذا كان الرقمي فما أعتقد ولو صار حمل متأخر وما بين الحين يكون في حالات نادرة لأشخاص
ما يبين وياهم بسرعة الفحص حتى الدم
وعسى خير روحي راجعي عند دكتورة شاطرة وشوفي شو مشكلتج
بولازم تنظمين الدورة لو تبين تحملين 
انا قريت فكثير من المنتديات انه عادي فحص دم مايبين الا بعد شهر او شهرين ..
فان شاء الله تكونين من ضمن الحريم هايل اللي فحص مابين لهن وخلاف بين يارب ..
يعني ان شاء الله انتي حامل وبشرينا
تدرون أنا من زمان سرت المستشفى وعند دكتورة أوراس وعطتني أدويه وقالت لي إذا ماحملتي خله ريلج يراجع
وفعلا يوم ريلي راجع عطوه العلاج وألحين هو في فترة علاجة
والله يا بنات كنت متأكدة إني حامل
مادري شو ياني متأكدة مليوون بالمية وكنت كاتبة مسج حق أمي أبشرها ومسيفتنه في المسودات بس الحمدلله ع كل حال
أنا أخر العنقود وأبوي متوفي أمي دوووم تقولي خاطري أشوف عيالج قبل لاأموت وخاطري أحطهم ف حضني ومن هالكلام والصراحة هالشي قام يجرحني واايد
بس الحمدلله ع كل حال
بس صدق صدق والله أحبكم