الحمدلله تبشرت من أيام أني حامل .. وتوني فاخر الشهر الأول ..
بس الصراحة ما عندي هاذيج الخبرة في الحمل لانه اول حمل …….
سالت الدكتورة و فيه وايد أشياء فخاطري ..وان شاء الله خواتي الي عندهن خبرة في هاي الامور ما بيقرن وياية ..
1- بنات متى تبدأ الحرمة تستخدم كريمات عسب التشققات ؟؟ وشو أحسن كريم الحامل تستخدمه؟؟
2- الوحام .. انا الحين بدش الشهر الثاني و الي اعرفه الوحام فالثلاث الشهور الأولى .. الحمدلله للحين ما حسيت باي لوعة او غيره ؟؟ هل معناته اني ما بيكون عندي وحام ولا فالشهرين اليايات بحس بهذا الشيء؟؟
3-الجماع وقت الحمل .. انا سالت الدكتورة .. وقالت الجماع عادي و مارسي حياتج عادي .. الا الي عندهم مشاكل فالحمل ؟؟ هل هالكلام صحيح ؟؟
4-و آخر سؤال ,,,, متى تفتح الحامل ملف فالمكان الي تراجع فيه ؟؟ فأي شهر يكون هالكلام؟؟؟
و ياريت تساعدني خواتي و تردن على أسالتي .. ودعوا لي الله يثبت الجنين .. 
بعد التعديل: سوري هذا سؤال أخير نسيت أساله .. يجوز السفر للحامل ؟؟ واذا هيه فاي شهر تقدر تسافر؟
مبروووك بوس وربي يثبتلج جنينج ويحفظلج اياه من كل عين…
وان شاء الله ذواات الخبره يفيدنج…
و مشكورة عالرد غناتي ..
………………………
كشووووووووة ..
اللله يبارك فيج غناتي و عقبالج اذا ما في نونو فالدرب؟؟ والله يثبته ان شاء الله
2- مب شرط تتوحمين لان في حريم تتوحم وفي حريم لاء وانا الحمدالله من النوع اللالالاء..
3-عادي الجماع وسمعت ان يبت البيبي بعد وفي الشهور الاخيره يسهل ولادتج ويسرعها…
4-روحي بعد اسبوعين عياده خاصه عسبه تتأكدين ان حملج اوكي ان الجنين في نبض والمشيمه اوكي وعسبه تتأكدين اكثر اذا كان حملج في رحم وعقب تفتحين ملف من الشهر الثالث والحين روحي الصيدليه وخذي حبوب اسمها الفوليك اسيد…
وان شاء الله اكون اجبت عن اسئلتج…
فديت روحج ما قصرتي رديت على اسالتي كاملة ..
بالنسبة للفوليك اسيد هاي عطتني الدكتورة و اخذهن من ايام ..
و الكريم يبالي اشوف شو احسن واحد وزين قلتيلي ابدا من الحين الصراحة حسيت شوي جفاف فايدي .. ودام ريلي ورايه ياكلني اذا ام شربت ماي ..
والجماع الدكتورة قالت لي عااااااادي .. واذا من الشهر 3 افتح ملف يبالي استقر على دكتورة زينة .. وتسلمين عالرد غناتي
حبيبتي بعدج الكريمات ابدي استخدميهن بدايه الشهر الخامس وفركي صدرج بزيت الزيتون علشان تحضرينه للرضاعه بعد الولادة باذن الله
2- الوحام .. انا الحين بدش الشهر الثاني و الي اعرفه الوحام فالثلاث الشهور الأولى .. الحمدلله للحين ما حسيت باي لوعة او غيره ؟؟ هل معناته اني ما بيكون عندي وحام ولا فالشهرين اليايات بحس بهذا الشيء؟؟
الوحام مب شي اساسي في كل حمل انا حملت الحمدلله وما صار عندي وحام فهذا الشي طبيعي في ناس يتوحمون وفي ناس عادي واحمدي ربج لان هذا الشي في صالحج الغاليه
3-الجماع وقت الحمل .. انا سالت الدكتورة .. وقالت الجماع عادي و مارسي حياتج عادي .. الا الي عندهم مشاكل فالحمل ؟؟ هل هالكلام صحيح ؟؟
مافي اي مشاكل من الجماع في فترة الحمل باذن الله بس حاولوا مايكون بطريقه قويه وبعد ما يكبر بطنج استخدمي الاوضاع المناسبه في الجماع علشان مايعورج ظهرج ولا بطنج
انا الدكتوره قالتلي بالعكس الجماع يسهل الولاده خصوصا فالشهر الاخير فمارسي حياتج بشكل طبيعي
4-و آخر سؤال ,,,, متى تفتح الحامل ملف فالمكان الي تراجع فيه ؟؟ فأي شهر يكون هالكلام؟؟؟
انا عن نفسي اول ماعرفت اني حامل فتحت ملف علشان تكون عندي مراجعات شهريه اطمن فيها عن حالتي وعلى الجنين وانتي تقدرين تفتحين من الحين
واذا مابغيتي تقدرين عقب تفتحين مافي اي مشكله متى ما بغيتي بس الافضل من الحين عشان دايما تكونين مطمنه
واخيرا الله يسر امرج ان شاء الله ومبروك عليج الحمل الغاليه