أجيبوا عن الاسئلة التالية :
أولا
من منكن جربت تناول او احتساء شراب الكتان
ثانيا
هل هو ضار بالفتيات اللواتي لم يتزوجن بعد ؟؟
ثالثا
كيف يُشرب؟؟ هل يغلى ؟؟ ام ماذا ؟؟
رابعا واخيرا
شو؟؟ امتحان؟؟ ولا من سيربح المليون؟؟
هههههههه اشكالكم تضحك وانتو تقرون بالفصحى ..
جد والله .. جاوبوني
سلملم
بس يقولون يخفف الوزن
اقصد كيف ؟؟ ويضر البنات ولا لا
ع العموم ثانكس
اب اب
ما اتوقع يضر ان شا الله لأنه غني بالأوميجا3
هو ما له علاقه مباشره لتخفيف الوزن لكنه يقضي على الإمساك و ينظف الأمعاء
و بما انه عني بالبروتين و الأوميجا3 فـ يساعد على زيادة كثلة العضل في الجسم مما يؤدي الى تخفيف كتلة الدهون
طبعا مع رياضه و ريجيم..
ان شا الله أكون أفدتك و الله يوفقك
وانا بديت استخدمها من يومين بس..يعني بعدني ما شفت النتائج..
انا استخدم زيت بذرة الكتان وبذرة الكتان نفسها..
والطريقه..
اول من اصحى الصبح اخذ ملعقه من بذرة الكتان وادقها اشوي..وعقب في كوب احط بذرة الكتان اللى دقيتها مع ملعقه زنجبيل مطحون واصب عليه ماي حار..واخليه اشوي ليبرد وعقب اشربه..
واستخدم زيت بذرت الكتان في السلطات وبعد احط من بذرة الكتان ع السلطه واكلها عادي طعمها مب ذاك الزود ينطعم..بس فيها ريحه اشوي..
صارلى يومين استخدمها..وراح اشوف النتايج وبخبرج..طبعا مع رجيم ورياضه انا اسوي..
وموفقه غناتي..اتمنا اني فدتج..