زوجج ياج فرحان في يوم بمناسبة ترقيته اللي يترياها من فترة طويلة . .
فرحتي وايد ، وحبيتي تهدينه شي مميّز يعطي فرحتكم مذاق جميل يبقى في الذاكرة للأبد . .
فكرتي وطلعت معاج أفكار روعة ،
حياج اسدحي أفكارج هنيه ومنها تفيدين وتستفيدين . . ~
,’
عن نفسي ياية في بالي فكرة إني أحجز في منتجع وأطلب كيكة وورد وممكن هدية بسيطة معاهم . .
منها احتفال بفرحته ومنها فرصة للاستجمام 
. .
بس للأسف ما أعرف وين أحجز بالضبط !
.
.
يلا شاركوني أفكاركم . . ~ 
سالفة الفندق جربتها
^_^
فالانتظار
عندج منتجع عين خت براس الخيمه
كل شي برايفت ( اذا تبين راسليني )
اممم تقدرين تسوين تصميم برتبه زوجج وتجهزين هديه حلوووه مثل شي الكتروني اذا ريلج يحبه
وترومين تهدين له شموع عليها تصميم حلو وغاااوي ( اذا تبين راسليني ) لاني اعرف وحده تسويهم
وبالتوفييييييييييييق
يوم بشرني ريلي بتررقيته باركت له و كنت وايددد مسستانسسه الحمدلله ، بما انه بين فتره وفتره نطلع نغير جو يومين قلت بحتفل وياه وسط هله،، خبرت حمياتي طبعن حددت يوم اليمعه عشان يكوون راقد الصبح وخوانه وخواته متيمعين، سويت له بوفيه و وستاندات ورد وبالونات والدري من تحت لين فووق كله بالونات وعند مدخل الغرفه بالونات وستاندين ورد يمين ويسار، وطبعن كيكه وعليها اسمه و ع اليدار كتبنا اسمه ومبروك بالانجليزي ، وحطيت له باقه ورد والهديه فالسياره……..وبث
الحمدلله كانت الحفله ونااسسسه وطبعا يوم نش لـصلاه وطلع من الغرفه استغرب يوم شاف البالونات والوورد وصار ويهه جذيه…
واهم الشي الرشات