شالة هم العرس ~ 2024.

بس حابة افضض شوي

اتمنى الموضوع يكون ف ها القسم وما ابغيه لقسم المشكلات الاجتماعية

الله يسلمكم انا مب متزوجة و الحمد الله عندي شغلي ماخذ كل وقتي ما عندي وقت افكر ف اشياء ثانية

بس مرات اتييني لحظات اتخبل فيها و استانس و اضحك و اتشقق و اطيح ع الارض من الضحك خخخخخ ومرات اكون هادية ومالي خلق حد و عصبية و مرات ابغي اظهر من البيت احس اني اختنق ف البيت و مرات اكره السناتر و السينما خاطري اسير البحر ولا البر

زبدة الكلام ما ادري شو اللي يستوي بي ~ يعني قبل كنت ما افكر اني اعرس لين ما اخلص دراستي
و الحين كلما حد يدخل بيتنا ما يرجع ~ انا ما بمدح نفسي ولا اني بذم نفسي
انا جميلة المظهر و المضمون حبووبة و هادية وايد و مب متبرجة الحمد الله ولا اني متشددة قولوا ف النص ~ مثقفة وايد ~ ف يمعات الحريم دومي كشيخة ما اقصر لا ف كشختي ولا شي ~ و حبووبة وايد كل حد جى يقولي حتى العياييز يعني دوم يسألون عني

ما ادري كلما حد يدخل بيتنا ما يردون يتصلون تخيلوا يا بنات حتى اقفط وايد لان الوالدة تسألني تقولي ما اتصلوا عقب تقول احسن انا مب مرتاحة منهم ومن ها الكلام احسها تجاملني ؟؟

انا ما ابغي اقول عين ولا حسد بس ابغي اقوله نصيبي و الحمد الله
يعني مرة واحد يى دوامي تخيلوا يا بنات الريال طاير من الفرحة لانه يشوفني كلما ايى دوامي و لمح لي مرة بس انا شرات الخبلة ما فهمت هههههه و لمح لي يبغي رقمي و يبغي يتعرف ع اهلي بس من الغباء اللي فيني ما استوعبت او اني استوعبت بس قلت لا مستحيل قصده يخطبني معقولة

و قالي خلاص انا ياي اليوم و امه رمسة الوالدة و حتى الوالدة استغربت كثر ما هو مستعيل و كان يمدحني كان يقول انها ملكة جمال و حبووبة و اول ما شفتها دخلت خاطري وايد بس فجأة تفركش الموضوع انا هذا اللي ضايقني اكثر لاني شفت الريال يدامي و فرحان و طاير عقب ما ادري شو صار

والله متضايقة ما اعرف شو اقول استوت لي الحركة 5 مرات
دخلوا بيتنا ناس وما رجعوا و المشكلة ورى بعض خلاص تعقدت وكرهت نفسي

و غير جذى كل حد يسألني متى تعرسين انحرج وايد من السؤال وما اعرف شو ارد مرات ارتبك مع انه سؤال عادي ~ كله صوب و يوم الحريم يسألوني هى محد خطبج اصلا من الدوام او محد خطبج من الكلية او من ها الكلام اللي يزعل ~

تصدقون لو اقولكم انا كنت اقول شو ها البنات اللي ما يستحون كل دقيقة يقولون بنعرس ومن ها الكلام جنهم عوانس احس اني وصلت لها المرحلة و خايفة ما اعرس من كثر ما اشوف يدامي من بنات ما يعرسون
و عقب يتنازلون عن امور وايدة عسب يعرسون

و ما ابالغ ان عندي واحد من اخواني يقولي عاااااااااااااانس هى يقولي عانس

كيف اشيل ها الافكار من بالي
الموضوع اتوقع بيفيد وايدات غيري لاني مب بس اللي افكر ف ها الموضوع

والزواج قسمة ونصيب والانسان مابياخذ الا نصيبه وتأخير تزواجج اكيد فيه خيره لج

انا بلفت انتباهج على نقطه معينه
نحن عايلتنا اكثرهم شباب و البنات شوي والغالبيه معرسات
كل ما واحد من هالشباب يبا يخطب و يسالون عن بنت
تكون البنت واااايد زينه وحبوبه وجميله
بس يوم يسالون عن اهلها
يوصل كلام انهم يتطلبون وايد
او مثلا ام البنت لسانها طويل
او اهل البنت راعيين مشاكل
مب شرط يكون هالكلام صح
بس في ناس تصدر احكام ولو كان صاير موقف معين خلاص يحكمون عليج من خلاله
ادعي ربج وايد
و لو كانو اهلج من النوع الي عندهم طلبات اطلبي منهم يخففونها

الله يوفقج