شنطة ريلي اللي فيها الاوراق اختفت
كانت في السيارة و سيارتنا اختربت و وداها الكاراج و عقب خذ سيارة اخوه
و هو يقول انه شل الشنطة من سيارته و حطها في سيارة اخوه
ما خلينا مكان ما دورناها فيه بس ماشي ما حصلناها
مثل الهم ع صدرنا لان فيها اوراقنا المهمة
خلاصة قيد ريلي شهادات ميلاد بناتي و دفاتر التطعيمات .. شهادته الجامعية و شهاداتي المدرسية .. و اظن فيها صك الارض و فيها جواز و فيزا الخدامة …. طبعا جوازاتنا عندنا لانا كنا مسافرين و عقب اكتشفنا اختفاء الشنطة …
وايد اوراق مهمة فيها … شو نسوي الحينه … خواتي ادعولنا نحصلها … و اذا ما حصلناها بيعطونا غير هالاوراق بدل فاقد يعني؟؟؟ … و شو الاجراءات اللي لازم نسويها؟؟؟ … و الله نفسيتنا تعبانة و انا احاتي دفتر التطعيمات ماليل بناتي و بنتي الصغيرة عقب كمن يوم عندها تطعيم مال شهرين مادري جان بيعطونا بدل فاقد او لا … و بنتي الثانية اللي طعمناها قبل و كل البيانات فيها شو الحل ؟
و خلاصة قيد ريلي و الله مشكلة كيف بيعطونا غيرها ..؟
ريلي مهموم وايد و انا مثله …. ما خلينا بقعة ما دورناها …. و السيايير فججناها و شوي بنفتح المكاين 
….
الاماكن المشكوك فيها و الغير مشكوك فيها ما خلينا شي … حتى اتصلنا الشرطة …. شو الحل الحينه ؟؟
ياليت تدعولنا نحصلها و نفك عمرنا من صدعة المراكض …..
أدعي هالدعاااء ,,
اللهم أرني عجائب قدرتك ,, في تذكيري مانسيت ..
اللهم يا جامع الناس في يوم لا ريب فيه أجمع علي ضالتي ..
وان شااااء الله تحصلونه .. اصبرو والله مع الصاابرين ,.,
وبقولج دعاء((اللهم ياجامع الناس في يوم لاريب فيه اعدي لي ضالتي واذكري الشي الي ضايع…
وانشاءالله انشاءالله بتلقينها حبيبتي لاتحاتين ..
اسألي اخو ريلج يمكن شافها وحفظها لكم لين تردون … ويمكن تحت الكراسي مال السياره ..
ودوروا حتى في سيارته الي في الكراج…يمكن نسى سبحان الله يمكن مب متذكر
وانشاءالله تلقينها فديتج تمي اذكري الله وصلي على النبى ..
اخو ريلي جلب سيارته و دور كل مكان فيها ما حصلها
الله وحده العالم وين مختفية
حرام والله قهـــر
ادعي انه تلقونها