اللهم صلي على محمد وآله و صحبه اجمعين…
امهات خبروني شو اسوي مع شهوده عمرها الحين 5 سنين و نص وفي الصف الاول الابتدائي
بقولكم شو فيها بنتي خجوله ويا المدرسااااات ما ترمس خير شر واذا بترد بتهز راسها يا بنت ارمسي 
..ماشا الله في الروضه اتعرف الحروف والارقام و تهجي الكلمات و تحفظ بسم الله عليها ذاكرتها نشيطه…بس من راحت الروضه و الحين مدرسه ماادري كيف ما تحب تتكلم واتحسينها تنحرج من المعلمه و البنات.
ملاحظه تتكلم في الباص مع بنت او حد اتعرفه
مع اشخاص برا العايله زوار بتسلم مع شويه خجل بس عادي مثل باقي اليهال
اختي اتقول بنتج شي صار لها موقف في الحضانه وحطته في بالها
الحين معلمتها اتقولي شهد لازم تشارك عليها درجات المشاركه في الصف..والله همتني بنتي
يلست اكلمها و اشجعها ومعلمتها اتقول بحاول من صوبي اعطي ستكرات او هدايا للي يشارك وهي ما بعطيها >< هههههه
ماادري شو رايكم؟
من الروضه اللين الثامن و احنا على نفس الحاله
انتي يوم كنتي صغيره ماكنتبي خجوله؟ في بنات وايد مو بس بنتج فيهن خجل ومايرمسن الي بالتعود
لاتضغطين وايد عليها لكن شجعيها ذكريها ان في التجاوب درجات وتفوق سيري المدرسه احضري حصه وحده ع الاقل شجعيها وخلي المدرسه تسوي نفس الشي
وان شاءالله ع مرور الايام بتتغير هيه بس مستوحشه المكان لانه يديد عليها وهذا احنا الكبار اذا سرنا مكان بنستحي فمابالج باللي اطباعهم خجوليه
يله حبيبتي اشوفج ع خير