انا بنظري ان الوحده ما اتقول اسرارها الزوجيه لاي حد ولازم اتحاول اتحل مشاكلها ابروحها يعني اتصلح من ريلها وتدعيله بالهدايه وجي يعني اتحاول مب يأس ترا مب سهله الوحده تتطلق الطرق صعب مب كل يوم رح اييج معرس
حاه اسمع ارائكم واستفيد منكم وشو تنصحون الانسانه يلي بي هالحالة؟؟
ويا ما تستوي مشاكل بين الازواج لكن الحرمه العاقل تحاول تحلها بدون ما ادخل اهلها او تسوي اعلان
ودايما تلجأ لربها بالدعاء
واللي على ادناة الدون ركضت وخبرت العالم وطلبت الطلاق ولاسباب تافهه
او حتى لو فيه سبب قوي وايد حريم صابرات وساكتات والله يعوضهن عوض خير
الله يهديها
اكيد غلطانه هالحرمه
وانا اسمي تصرفها هذا
دلع
والسموحه
البنات اللي جذي عقلهم صغير
و هالشي لعدة اسباب…
يمكن تكون معرسه و هييه صغيره
و يمكن هلها موفريلها كل شي و مب عاطينها مسؤولية اي شي
عشان جيه ماعرفت تتصرف في حياتها الزوجيه…
تخيلي انا ربيعتي تقولي انها ماتقدر تسير عند الكاشير تدفع روحها!!!
تقولي وايد ارتبك و تصبب من العرق لانها من النوع الي دوم تطلع ويا اختها و ختها تسوي كل شي عنها…
هذا مب دلع بس جهل…
لا تلومينهن يا الغلا ..الغلط مب منهن من هلهن …
و الله يعين و يهدي الجميع
و عسى الله يفرج همكم و البنت ترد لريلها و الله يصلح من بينهم عاجلا غير اجل يارب العالمين
مافي علاقه مافيها مشاكل بالذات العلاقه الزوجيه لو كل حد استوت له مشاكل طلق محد بيتم مع حد وها الي حاصل في بلادنا بسرعه يطلقون محد يتحمل الثاني
المشاركة الأصلية كتبت بواسطة قصص 
ويا ما تستوي مشاكل بين الازواج لكن الحرمه العاقل تحاول تحلها بدون ما ادخل اهلها او تسوي اعلان
ودايما تلجأ لربها بالدعاء
واللي على ادناة الدون ركضت وخبرت العالم وطلبت الطلاق ولاسباب تافهه
او حتى لو فيه سبب قوي وايد حريم صابرات وساكتات والله يعوضهن عوض خير
الله يهديها
اكيد غلطانه هالحرمه
وانا اسمي تصرفها هذا
دلع
والسموحه
مشكوره عالرد
المشاركة الأصلية كتبت بواسطة فيوونه البنات اللي جذي عقلهم صغير
يسلموووو عالرد