شورن علي والله يسهل عليكن ويرزق كل محرومه بالذريه الصالحه 2024.

السلام عليكم خواتي
الصراحه أنا تعبت نفسيا ريلي بيسافر الأربعا وأنا لين الحين ما ربيت كل ما أسير توام يقولون حقي فاتح1 سم تعبت وهو ريلي بعد مل ما خليت شيء ما شربته زيت الخروع مع عصير برتقال والجرفه وماي زمزم مقراي عليه ومغلي كف مريم وخلطة الحليب والجرفه والمسمار وزيت السمسم والعسل وللعلم صرت كل ما أكل أرجع (أنتوا بكرامه) والدكتوره سوتلي توسيع في عنق الرحم بس بعده ودوم أمشي 3 ساعات بس ما شيء فائده. أخاف ريلي يسافر وما يشوف البيبي وخاصه انه هذا أول بيبي حقنا والله بصيح مليت ابى أربي والحين فيني جفاف شورن علي خواتي
اللي بترد علي صدقوني ما راح إنساها وقت الولاده

اختي ما بيصير غير اللي كاتبه ربي هو مكتوب بادن الله اليوم اللي بتربين فيه
ما تستعجلي و خلي الامور طبيعية احسن
و ريلك بيشوف ابنوا ان شاء الله
الله يقومك بالسلامة

اختي البكريه تتاخر شوي
بس انتي خلصتي التاسع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اذا خلصتي التاسع والعشر ايام بيستخدمو الطلق الاصطناعي
بس يا اختي انتي ما بتعرفي ما انخلق البيبي فيكي يعني سبحان الله يمكن هالكم يوم يحتاجك
اهم شي الحين البيبي
سببتي لنفسك بجفاف عشان التسرع

الله يسهل عليج ويقومج بالسلامه انشالله

اول شي كل شي بيد رب العالمين

وبالنسبه لي في حملي الثالث اول مادخلت التاسع كنت اشرب جرفه وشربت زيت الخروع مع برتقال ومشي وغيره

وماكان اييني غير منان

وفي يوم الولاده قمت الصبح ويلست في بانيو دافي تقريبا ساعه وعقب تريقت بيض مقلي بالثوم وفلفل اسود وكلت عسل والضحى شربت جرفه والظهر ياني الويع وربيت العصر ماطولت والحمدلله

والله يسهل عليج يالغاليه
دعواتج لي بولد صالح وسليم

فديت ظحكتي مابغي اظايقج بس البجريه لازم تكمل شهرها
وللللكن … دام سوت لج الدكتوره توسعه اظن بتربين هاليومين والله اعلم
اهتمي بنفسيتج لانها مهمه للولاده
الله يسهل عليج وعلى كل حامل يااارب