شوفو الظلم وين وصل!!!!! 2024.

مساء الخير الغاليات عسااكم بخير

شو رااايكم بالريااال اللي يكذب ع زوجته ويخدعها من بداية زواجهم

فيه وحده من ربيعاتي اتزوجت ومن بداية زواجها ريلها خدعها وغشها كذب عليها بانه انسان مريض

ويحليها الفقيره امصدجته وصبرت عليه ثلاث سنواات اتحملته واتحملت كل شي حرمها من حقوقها

كزوجه وأم حرمها اتعيش حياتها حالها حال أي وحده متزوجه

كانت تتحمل اي كلمه اتي لها كل يوم والثاني اهله واهلها يسألوها ما حملتي ما يبتي لنا ياهل

يحليلها كانت اتقولهم كل شي بيد رب العالمين يوم الله بيكتب لنا بيرزقنا ان شاء الله

كانت اتخش آلامها وجروحها عن الكل ويوم اتكون بروحها تقعد اتصيح ليش الكل ايحاول يجرحها ليش

محد حاس باللي حاسه فيه ما فيه وحده ما تتمنى ايكون عندها يااهل

وفوق هذا كله ريلها امقصر وياها لا يقعد عندها ولا ايظهرها ولا يسأل عنها حتى

اتصورو فيه انسانه بتتحمل كل هذا؟؟؟

لين يى اليووم اللي الله كشف ستر ريلها اكتشفت انه ايخونها ويا وحده ثانية اتصورو صدمتها كيف بتكوون ، اتقول طول هالثلاث سنوات وانا امصدقه انه مريض وصابره آخر شي ايجازيني بخيانته

ما قدرت تدفن عمرها بالحيا اكثر من اتجي وطلبت الطلاق واتطلقت الحمدالله واشتغلت والحين مرتااحه

اتقول خساره الايام اللي ضيعتها من عمرها ويا هالانساان

الحين خواااتي لو انتو مريتو بنفس الحياه شو راح اتسوين بترضين اتعيشي ويا انسان اتشي