بليييز من الحين اقول حق اي وحدة من xxxxx هذا موضوع للنقاش مب الظرايب ، كل مكان فيه الزين والشين
اليوم سرت ويا ريلي مستشفى خاص عشان نودي بنوتي فديتها ، المهم اول ماطلعنا من الاليفيتر ماشالله جدامنا حضااانة وكلهم واقفين عند ماكينة الارقام وسحبو فوق ال 10 بطايق وعقب سرنا من بعدهم سحبنا بطاقة ،ريلي قالي شكلنا بنرقد هني قلتله لا ماعليك ان شالله بنخلص
المرضى يدخلون ينادون الارقام واحد ورا الثاني كلما ينادون رقم يتريون عشر دقايق عقب الرقم الثاني اذا محد دخل.
خلصنا سالفة الارقام نحن في مستشفى يعني المستشفى يتطلب هدوء ونظام بحكم انه شي مرضى ، ووحدة ياييبة معها 7 يهال اعمارهم من 5 الى 9 سنوات تقريبا ووحدة منهم تعبانة عند امها ،
فجأة صراخ وصياح ونعال ينفر عدالج واكل في الارض ويتظاربون كل واحد يعق عمره عالثاني هذا كله عدالنا !!!
ريلي: لوسمحتي الشيخة ممكن تمسكين عيالج شوي
ام اليهال: اربطهم يعني
ريلي: محشومين محد قال اربطيهم
ام اليهال: هم حرين
ريلي: نحن في مستشفى وشي مرضى احشموهم على الاقل
المهم ريلي سكت عنها نص ساعة ونحن على هالموال صراخ وتفليع وحركات غجرية مثلهم !! هني عاد ريلي طلعت قرونه هههههههه وماشوفه الا واصل الرسبشن وهو هناك ، اتولتي ام لسانين اقصد ام اليهال!!
ام اليهال: انتي ماتعرفين تمسكين زوجج؟
أنا : أكبر طااااااااف
ام اليهال : على بالكم مستشفى ابوكم ونحن عبيد عندكم
أنا : بو لباااااس
ام اليهال : انا عيالي متربين احسن تربية منك انت وزوجج
أنا: agian ماسمعت !!!
ام اليهال: خليه يربي زوجته قبل
أنا : احترمي عمرج محد غلط عليج
ام اليهال : خوفتيني شو فاكرة نفسك انتي
أنا : عبد من عباد الله لا اكثر ولا اقل
ام اليهال : الله يفرجيك في بنتك !!!
انا : والله انج ماتستحين وماتخافين ربج شو يخص بنتي!!
(( للعلم بنتي عمرها 9 شهور وماشالله من اهدى مايكون ))
المهم رجع ريلي وهي بعدها على لسانها
ام اليهال : انت ماتستحي فاكر المستشفى لأهلك
ريلي: ثمني رمستج ولاتيبين طاري الاهل
ام اليهال : ماتشوف عمرك يالحيوان !!!
أنا : لو فيج خير جان مارديتي على ريال ماتدرين ان صوت المرأة عورة !!
ريلي : حيوان محد غيرج ياجليلة الحيا !! والله ان ماثمنتي رمستج فالعقال على راسج سبالة وحدة ، صافتلي فريق كورة وغجر لايحشمون حد وماتبانا نرمس يفلعونا يوصخونا يصارخون ماتبانا نرمس
أنا : حبيبي ماعليك منها تولي لاتنزل عمرك حق الاشكال
ريلي : ماتشوفينها يالسة تغلط عليج !! (فديته انا هني تشققت خخخخ ))
أنا : ماعلي حبيبي انت العاقل تحط راسك براس مره !!
أم اليهال : والله لاخبر السفارة xxxxxxxوالفرنسية عليكم
ريلي وأنا : خخخخخخ لووووول ههههههههه كع كع كع
ريلي : ادلينها ولا ادليج
ام اليهال : ظنكم ان xxxxxx مثلكم مب متربين
والله اني لو مامسكت ريلي جان ذبحها ملسونة قليلة ادب متنقبة اونها !!
ريلي : منو ياب طاري xxxxxx لاتخليني ادخل فيج سجن
أم اليهال : انا 12 سنة متزوجة و زوجي ماقالي هالكلام ولاعمره مد ايده علي
أنا : خير ياطير حد ياب طاري زواجج ، لو ريلج متحملج انتي وعيالج جان ماطرشكم كلكم المستشفى وهو لاهي عنكم !!
أم اليهال : شو شياطينكم طلعت
ريلي : انتي الي يايبة وياج الشيطاين من xxxxx
أنا : خخخخخخخ حبيبي شو قصدك السوى ؟
ريلي : هيه بعد شو
المهم بتقولون المرضى ليش ماتكلمو يحليلهم هنود خافو منها ومن لسانها وفي وحدة مواطنة عطتها محاضرة عن الادب والاخلاق
المواطنة : عيب عليج تردين على ريال مهما قالج اسكتي حلات الحرمة بخجلها وحيائها
أم اليهال : ماتشوفين هاذ الحيوان
ريلي : والله بدخل فيها سجن هالحيوانه
والله لو الرياييل مامسكوه جان عادي يذبحها !!
المواطنة : انتي الغلطانة عيالج حاشرين المستشفى وماتبين حد يرمسهم ليش يايبتنهم ؟
أم اليهال : يعني اخليهم لحالهم
المواطنة : نحن عيالنا لو نيبهم ونقوللهم لاتتحركون ولاتسون حشرة يسكتون ومايرمسون ، علميهم على الاحترام شوي
ريلي : خلصنا من الفريق بدى المدرب خخخخ (( خلصنا من صراخ اليهال جات امهم ))
المهم انا بغيت اعرف شي واحد ؟؟
نحن يوم نسافر بلاد غرب نحترمهم ونعاملهم بأدب نحن هني في بلادنا وفي خيرنا ليش مايعاملونا بالمثل (ماقصد الكل ) هالفئة الغجرية ؟؟
والله حزت في خاطري يعني تخيلي لو هالشي صار ويا ريلج او حد من اهلج ووحدة مب متربية تسبه وتعامله بهالاسلوب شو بتكون ردة فعلج؟؟
نحن سكتنا عنها ومارمسنا الا يوم غلطت!
هذي الام كانت xxx والاب بعد ( عشان مايقولون xxxx منقهرين منهم )
انا قلت اسم الدولة لانها هي هددتنا بسفارتهم (خير ياطير)
رجاء خاص منxxxx^_^ بليييز مابا هجوم انا قلت الواقعة بحذافيرها لان اي موضوع يتكلم عن مدح او ذم xxxxxعلى طووول تشتطون
والله عيب عليها اللي اتسويه
تزعجكم وتغلط عليكم
والله لو انا منج اصفعها واطلب لها الشرطه
هذا عيب الأمهات دومهن ويا هالحركات اتقولين مودتنهم ملاهي
هذا مستشفى
اللحين العيب مب ف xxxxxx و الا غير
العيب من الأمهات اللي اتييب وياها هالحشد و لا تروم عليهم
بعدين اعذروها أختي
تعرفين يوم حد يمرض من اليهال اشقايل تتبهدل الأم وياها و عادي طول الليل مب راقدة
لا تلومونها صح هي غلطت يوم علت صوتها بس بعد ما تدرين شو ظروفها .
والله ما تستحي ع ويها الخاايسة
لو كنت بدالج بعلمها الادب ع اصووله
وبمسك اولادها وبصفعهم واحد واحد
بس صرتو احسن منها … الله يهديهم ..
صح كلامج اختي والله عايشين فبلادنا وياكلوون من خيرنا ويهزؤونا في بلادنا (الفئه الغجريه)
محد يعطيهم ويه
يزاج الله خير وايد كنتي مطوله بالج
بعدين الصراحه انقهرت لو منج جان فصخت نعالي وكف ع وييها هالي ناقص تتجرا تسب وانتي ساكته عنها ولاتحرشتي فيها من الاساس عسب تغلط .gif "12 (82)")
تغلط وترمس عن التربيه خخخخخ
والله لو انا مكانج جان بتم اضحك تسلمين حبوبه والله انج ضحكتيني من الخاطريه