اتصل عليه زوجي الله يحفظه وقالي الشباب فاجئوني وقالو باجر الريوق عليك...gif "12 (10)")
قال ابغي شي يبيض الويه..قلت ان شالله ..قالي كلمي خواتي ..وكلمتهم بس كلهم اعتذرو لضروف
فبقيت انا اول شي كتبت شو بسوي .gif "12 (23)")
بعدين كتبت اللسته ...gif "12 (77)")
دقيت على ريلي وقلت ابغي اسير الجمعيه
ال بعد ما اوصل وانتظرت ..هني الغلطه اني سرت الجمعيه بعد العشا يعني 8 ونص ورجعت 9 نص
بديت 10 .gif "12 (8)")
تقريبا وخلصت الصبحح .gif "12 (1)")
طبعا تعبت المفروض من العصر اجهز والعشا اخلص
والسموحه على الاطاله بس حبيت اوضح انه لازم التجهيز يكون بكير
كان الخيار على 4 اطباق …
1. بطاطا محشيه بالفاصوليا
2.اصياخ السلطه
3.سندويتشات فول
4.وسندويتشات بيض
6.سويت عباه عن فراوله بالشوكلت
5.عصير اليمون بالزنجبيل
نبدأ بسم الله بالبطاطا
قولو 
اول شي اخترت بطاطا صغيره .. غسلتها وبالشوكه نغستها عان تنضج اسرع ودخلتها الفرن
قلت في هذا الوقت بجهز شي..غسلت الليمون للعصير
الليمون
غسلت الفراوله بس اغلبه كان خربان 
قطعت الخبز عشان ما اتاخر الصبح وجهزته
وهذا لسندويتشات البيض
ورجعتهم في الاكياس
وبعد مرور ساعه ونص تقريبا البطاطا جهزت
ولاحظو كيف حطيتها في الفرن
تابعوني >>>>
وبالملعقه ظهرت لبها بدون ما اخرب القشره
وبعدين طحنتها
واخذت نص الكميه واضفت علها ملعقتين جبن كرفت وشوي فاصوليا
سخنت الفاصوليا واضفت زبده
واضفت ملعقتين جبن وشوي فاصوليا
وبهاي الطريقه صفيتهم اول شي حطيت نص الحشوه وعقب اضفت فاصوليا بروحها
واضفت بقدونس شوي وعليه جبن شيدر مبشور
ودخلته الثلاجه
وجهزت عصير الليمون ..قطعتهم
عصرتهم ودخلته الثلاجه
والزنجبيل بشرته وصبيت عليه ماي حار وحطيته بالثلاجه وقطعت شرائح ليمون ونعناع للزينه
تابعوني >>>
وقطعت مشروم وبقدونس وطمام للسندويشات وحطيتهم بالثلاجه
هذا شوكولاته نوتيلا ذوبتها بحليب طويل الامد بس مانجح عندي على ما اظن زدت كمية الحليب
لاحظو ما ثبت على الفراوله فظطريت اني احذف هذا من القائمه
والطبق الثاني كان عباره عن اصياخ من السلطه وقطعنهم وشجيتهم وحطيتهم بالثلاجه بس ما صورت الخطوات لاني كنت تعبانه وتاخر الوقت وهاي قبل ما ادخلهم الثلاجه
كان عباره عن مربعات جبن حلوم وفلفل بارد 3 الوان وزيتون اسود وطماطم صغيره وخيار وجوز
وحطيته بالثلاجه وشوي ريحت رقدت بس كل 5 دقايق انش احاتي .gif "12 (53)")
تقريبا ساعه وواذن الفجر قمت بسرعه
وكملت شويت السلطه بس مجرد تسخين وانه الحلوم يحمر وصفيتهم وغطيتهم
وسويت على طول سندويتشت الفول طبعا كله جاهز بس حطيت الفول على النار وطبعا كل شي جاهز
بس طلعتهم من الثلاجه
دهنت الخبزه باللبنه واضفت ملعقة فول وحطيت طماطم وورقة نعناع وهذه النتيجه بعد ما قدرت اصور الخطوات لاني مستعيله حتى الصوره تعبانه
من قريب والسموحه كنت محوله .gif "12 (78)")
وغلفتهم ببلاستك وخلصت الطبق
بديت بسندويتشات البيض.. الطريقه سهله ..شريحة توست وعليها جبن شرايح وحطيت الشريحة الثانيه وحطيت البيضه واضفت مشروم مقطع وملح وفلفل ورشة بقدونس في النهايه
وهذي النتيجه بس في البدايه غلطت شغلت الفرن من فوق بس هو كان يحتاج من تحت وفي النهايه من فوق
ودهنت البطاطا بجبن كرفت ودخلتها في الفرن
من قريب
بغيت اصور صوره جماعيه بس ما سعفني الوقت
وهذه الباقه هديه لكم صح فشلت بس ان شالله اضبطها مره ثانيه
وادعولي الله انه الله يسر اموري دوم
ماشاءالله عليج
ماشاءالله عليج
الله يعطيج العافية