شوهديتي ريلج في العيد وشو هداج ؟اتمنى المشاركه 2024.

مرحبا السااااااااااااااع
مرحبا ملايين ما يسدن
حبيت اسالكم
شو عطيتي ريلج هدية العيد
وشو هداج؟؟
ومتى عطيتيه ؟ في اي وقت ؟
انا عن نفسي خذتله نعال من فارس مع مجموعة عطورات
وهو اشتارلي ساعه ماركه
اتريه ردودكم يا حلوات

الموجود داخل هل لكياس

خلي يقتلكن الفظول

هدن هدن شوه بلكن

استغفر الله يا الفظول بنقل المكرفون لغيري

لوووول … أنا مب معرسه بس فضول داشه اطالع عسب استفيد ف المستقبل لول

الله يهنيج ويا ريلج …

هلا أختي

أنا خذت له مجموعة عطور
ودهن عود
وبوك ماركة
ووزرة
وفوانيل
وقحافي
وغتر ماركة
ومدخن سيارة

وعطيته الهدية تاريخ 7 أكتوبر 2024
عشان لا يسير وياخذ هو وما يدري إني ماخذه ،
وبالنسبة لهديته لي كانت بيزات
الله يجمعني أنا وهو على خير دوم ويبعد عنا كل عين حاقد ،

ماعندي ريل عشان اهديه ويهديني لوول

الصراحة انا هالعيد ما سويت شي ،، تعبت وانا ادور شي يديد ،، كل شي مسوتنه قبل ،، الصراحة مفكرة وايد حق عيد الاضحى ابا اسوي شي لاصار ولا استوى ،،،،

وهو ما هداني شي ،، بس انا بعدني " في الانتظار"

قاصين على عمارنا يوم العيد ،،،، انا اقوله انا كفايه عليك عيديه ،، يقولي هو بعد كفايه علي عيديه ههههههههههه

انا هديته وردتين وهو قالي انا كلي لج هديه رومانسي فديته