.++شوه اكلتي ولدج اليوم++ . 2024.

السلام عليكن …

…اشحالكن واشحال الصغاريه

من هالموضوع حبيت انفيد بعضنا

يله كل وحده اتخبرنا كمن عمر ولدها او بنتها وشوه اكلته اليووم…

سعيد عمره سنه واربع شهر

اول ما نش شرب حليب وعقب عطيته كونفليكس وحليب والضحى شرب عصير ووقت الغدى كل عيش مخلوط بعدس وخضروات +روب

عقب برد اكمل لكم جدوله

اترياا تفااعلكن

الصبح شرب الحليب والظهر عيش وروب

ولديه عمره سنه 6شهور,, اول مانش عطيته حليب, بعدهاا كل برتقال ,, وكل سمون جبن ,, وع الغداء ولديه عنيييد ما طااع يتغداا فعطيته حليب وبعدين عطيته عيش بالبطاطاا ,,والعصر ولديه يموت ع شي اسمه شاهي ,, خذ فنيان شاهي ,,وبس

ومشكوووره الغلا ع الموضوع ,,

ولي عوده ان شاء الله

والله يحفظ عيالناا ياارب

العصر عطيت سعيد بوفك وسويت له مرضعه نعناع والمغرب كل دانيت بالشوكولاته وللعشا سيريلاك وقبل النوم حليب

انا بنتي عمرها سنتين .. اكلها قليل .. تنش تشرب رضعة الحليب .. حليب المراعي اعطيها .. وما تتريق شي .. والغدا تتغدا م الغدا مع روب طبعا ,, عاد زين جان كلت لقمتين .. وعقب الغدا تشرب عصير كوكتيل المراعي .. وترقد والعصر تنش .. يا بتاكل فواكه نادر طبعا … يعيبها العنب بس والتفاح احيانا .. وطبعا بتغثث بتاكل جبس وبسكوت وكيك وعصير .. وع المغرب روب بالفواكه مال المراعي .. ووتعشا من عشانا ويانا طبعا وكالعاده تلعب لعب مثل الغدا .. وبترد تشرب عصير كوكتيل .. وف الليل حزة الرقاد حليب المراعي طبعا .. وبس .. احس اكلها مب شي وضيعفونه .. كله تبا تلعب ما تهتم بالاكل هاك الزود ..

هلا

اليوم امسويين للعشا ..معكرونه بالجبن + شوربه هريس بالدجاج..

بنتي الكبيرة عمرها 3 سنوات ونص تاكل فديتها اكلنا العادي بس مسويتلها تحليل دم يوم شليت لوزها كانت ام 3 سنوات فنصحني دكتورها بالحديد .
احاول اضيف الدبس لأكلها وحليبها وهي ما تشرب وايد بس نزيد للحليب فرش شوية عسل او دبس تمر . وارغبها بالزبيب الأسود حطيته في علبة كاكاو للايحاء بانه كاكاو ولو ما سويت هاطربقة جان ما اكلته ولله الحمد يوميا اعطيها كمن حبة .

يوميا احاول ما انسى اعطيها عصير فرش من البيت برتقال او جزر ااو مكس اما الضحى او عقب النغرب