لاني اجوفه مهم للقسم
الله يهديكم وحده تكتب معاناتها و تبا النصيحه اتجوفون البنات يشنون حرب ضدها. و ييلسون يلومونها و ليش وماعندج قلب واذا انتي مب قد المسؤوليه ليش تحملين وووووو الخ
ياماما الدنيا مشاكل شي طبيعي و الانسان يوم يغلط و يحب يفضفض يبا يسمع النصيحه و الشي اللي يدليه عالصواب يبا دعوه من قلب بالهدايه و الاصلاح
الحينه وحده حاطه ( ضربت بنتي ام الاربعين يوم ) الله يخليكم جوفوا الردود
الحرمه فيها لكتئاب و بعض البنات ردودهم تحبط و تزيد الامور سوء
اتمنى الرقي فالرد اتمنى التعامل باخلاق و انسانية
و عيبني رد الاخت اللي مقتبسه كلامها ربي يجزيها و كل وحده شراتها بكل خير
إقتباس:
الرسالة الأصلية كتبت بواسطة كيوووت girl
الصراحه الواحد بعد ما يقرا هالردوود اللي تسد النفس يحرم يحط موضوع !
والله اذا انا لاعت جبدي من الردوود !
كل انسان يغلط و هالاسلوب ما يحل شي من السالفه ^^
يا تدعولها دعوه من قلبكم او تطلعون بدون ما تردون لان في سكوتكم فايده و في كلامكم مصيبه ^^
الله يعينج اختي و اييسير امرج و ان شالله الامور بتنحل بالهداوه ..
انا اذا ما انام يوم واحد ماتحمل اي انسان جدامي فاتوقع هالشي صار من لارهاق و الضغوطات اللي عليج ..
ربي يعينج و اتمنى امورج تتيسر و كل شي بالهداوه يمشي ^^))
وانا اقول
راي من رايج
وأايدج بقوه
حريم و بنات كبروا عقوبكم قبل اي رد يكون جارح او يسبب ضيق او حزن لصاحبة الموضوع
اللوم و العتاب و التجريح ما بيرد شي صار و انقضى بالعكس يمكن بجمله وحده تكتبينها ادمر نفسية صاحبة الموضوع و تزيدين الطين بلّه
والله دعوه وحده تكفي
وايد حريم اتيهم ضغوطات بعد الولاده و تأثر عالنفسيه لكن بالتفاءل و بالاسلوب الزين تتعالج الامور
اتمنى الرقي في الرد و التعامل بانسانيه مع اي حاله
الله يهديكم و يهدي الجميع
*
*
إذا كانت هذه المشاركة مخالفة ولم يتم حذفها بعد رجاءً أبلغي عنها من خلال الزر التالي:
انا ساعات اقرا مواضيع ومن اول رد يغث اسكر الصفحة اذا انا انغث كيف صاحبة الموضوع الله يعينهم
لحرمه يالسه تانب ضميرها من الي سوته ويايه اتعاتب نفسها جدام الكل
لو هيه حرمه مب زينه اصلا ما تاخد استشاره حد ولا تكتب واتفضفض لنا هي طالبه حل عشان انساعدها
والحريم يايات يحطن ملح على الجرح على قولت المصريين او الشوام
الحين يا ناس الحرمه معترفه انها غلطانه, وهي ما كتبت هني الا وتبا النصح والمشوره
اووووكي عاتبتوها,, انزين وبعدين!!!!!! عانبو عاتبوا بس عقب انصحوها..ادعولها..اي شئ
الحين الحرمه فيها اكتئاب او ما فيها ترا اللي هي فيه وسوته غاثنها
واتذكروا كلام حبيبنا (الدين النصيحه)
والصراحه مافي انسان كامل
واللي رد عليها باسلوب مب شيئ يسال نفسه: هل انا انسانه او ام مثااااليه وكاااااامله !!!!
والسموحه
والي ما يعذر الناس ,, الناس ما بيعذرونه
الله يهدي الجميع
