حبيت استفسر منكن خواتي عن احلى مكان يستانس فيه اليهال…
كل سفراتي كانت مع ريلي وهذا الصيف حابه اخذ عيالي عسب يستانسون ويغيرون جو
شورايكم؟؟؟
المشاركة الأصلية كتبت بواسطة لورا79 
حبيت استفسر منكن خواتي عن احلى مكان يستانس فيه اليهال…
كل سفراتي كانت مع ريلي وهذا الصيف حابه اخذ عيالي عسب يستانسون ويغيرون جو
شورايكم؟؟؟
اممم يعتمد على ميزانيتكم و شو تفضلون اوروبا ولا شرق آسيا ولا استراليا ولا افريقيا ؟
انا بعطيج كم اقتراح و برتبهن من الاحلى حق اليهال ( من وجهة نظري لول ) :
1- جنوب افريقيا ( كيب تاون ) .. طيران الإمارات فاتحين خط يديد دايركت حق كيب تاون ، و فيها وايد انشطة و اماكن سياحية و مولات و محميات طبيعية يعني بيحبونها اليهال .
2- استراليا ( طبيعتها حلوه و عائليه و فيها واايد حدائق و ملاهي حق اليهال ) .
3- ماليزيا و تايلند ( طبعا معروفات و ما يحتاي اتكلم عنهن ) .
4- سويسرا و النمسا .. هالدولتين غاويات و طبيعتهن تجنن بس حسيت اخواني و خواتي الصغار يحبون ماليزيا و تايلند و استراليا ( يمكن لان فيهم انشطه و مغامرات و ملاهي اكثر بس نحن الكبار نحب الطبيعة و الجو البارد ) .
و السمووحة على القصور ..
https://www.uaewomen.net/showthread.php?t=201037
واختي تحب تاخذ عيالها تايلاند
ممكن تخبريني عن جنوب افريقيا اكثر… جوها .. طبيعتها… وشو الاماكن لي فيها
المشاركة الأصلية كتبت بواسطة لورا79 ممكن تخبريني عن جنوب افريقيا اكثر… جوها .. طبيعتها… وشو الاماكن لي فيها
برجع خلاف و بخبرج كل شي ان شاء الله لان بعد شوي عندي امتحان .. دعواتج ^_^