شو الاكل المناسب لتجنب ارتفاع السكر بالحمل ؟ 2024.

السلام عليكم ورحمة الله وبركاته

بنات انا السكر طلع شوي مرتفع ولازم دايت خبرتني الدكتورة

المهم بفتح فايل بالمستشفى وجي وعلى طول بطلب موعد عشان الدكتورة تسوي لي نظام امشي عليه

بس بسال اللي عندهم تجارب مع سكر الحمل

هالجم يوم لين مايعطوني الموعد شو لازم اسوي

انا بعد 3 ايام بدخل ان شالله بالشهر الثامن

وشو اكل وما اكل ؟ الكميات المسموحة

انا اختي بالحملين ياها سكر الحمل ومشت على الدايت والحمد لله كل شي ماشي تمام بس هي مب موجودة ماقدر اسألها احين فياليت تساعدوني

بنات موعدي ف مستشفى الكورنيش بعد شهر تقرييا !!!! شو هاا شو اسوي مب معقولة اتريا شهر ونا اليوم بعد الغدا السكر كان طبيعي وبعد العشا كان مرتفع شوي مع اني كلت طماطة وخيارة وجبن لوفات ملقة صغيرة ونقطتين زيت زيتون وزيتونتين وخبزة وحدة ( اسمر ) وربع كوب عصير برتقال بدون شكر

بس ليش جي طلع مرتفع؟؟؟؟؟ ماكلت شي بعد الغدااا موووول بس تعشيت هالعشاااا
شو اسوي

ابا مركز ببوظبي للدايت للسكر الحمل ؟؟؟؟؟؟ وين اروح بليز ساعدوني مابتريا اكثر

والله ما اقدر أفيدك أنا أخذ ابر أنسولين مع دايت بس مو قادره اسيطر عليه الله المستعان وان شاء الله ما يضر البيبي الله يحفظ جنيني من كل مكروه والجميع ان شاء الله

الله يحفظكم يارب

التزموا بالحمية قد ما تقدرون خواتي لان انا توفى البيبي عندي في الثامن لاني ما كنت ملتزمة وايد بالحمية وندمانة وايد والحين في حملي هذا ملتزمة حتى وزني نزل 6 كيلو .. انتبهوا نصيحة

يااارب تحفظ جنيني واتسهل على الولادة يااااارب

الله يعينكن وييسر عليكن