:
:
:
:
بدخل بالموضوع لأني صدق مب عارفه كيف ابدأ لكم
انا متزوجة وقريب بكمل سنه واحب ريلي ويحبني بس المصييييبة اني اكتشفت من فتره انه يكلم بنات!!!
والله اتفاااجأت و مب عارفه كيف اتصرف انا قبل كتبت الموضوع وما ادري وين راح فحبيت اني اعيده لأن بصراحه احس ريلي تماادى وانا ادري بس مب عارفه كيف ابدأ ويااه
تخيلو هو يكلم بنات عالمسن و عندي محاادثااته وسيفتهم الحين عندي عسب يكون فيه دليل
وعنده بنات عالتلفون لأنه والله من كثر ماشفته يتكلم فيه شكيت وقلت لااااازم اجيك واتأكد و اتأكدت
الحين وشفت المسجات والكلام الي بينهم وشفت المكالمات ومدتها وشفت انهم مرات يرموسون وااايد
والله وخاصة يوم يكون بالدوام و لاتقولون اني ما اتصل واسأل عنه بالعكس والله اني اتصل واطرش
مسجات بس ما اعرف لييش يسوي جي وتخيلو المصيبه الكبيرة امس قتله انت واايد تيلس عالبلاك
بيري ومن العصبيه قتله احسك تكلم بنات عالبلاك بيري سكت ويوم حنيت عليه قال هيييه!!!
بس والله اطرش لهم ويطرشولي نكت و سوالف وجي و ما اعرف منو هم و لا اكلمهم والله انصعقت
مع اني اعرف و يوم عصبت قالي والله ما اكلمهم ولا شي بس انا متأكده ان اكيد هذيل الي يكلمهم
يايبنهم من البلاك بيري و لا كيف بيعرفهم!! انتو شو بتكون ردة فعلكم لو ريلج قالج عندي بنات
عالبلاك وبينا بس نكت وصور!! بتزعلين ولا عاادي الموضوع؟؟!
بنات كيييف ابدأ وياه قولولي والله اني اعرف من بداية ماعرسنا وللحين ما اتكلمت وياه وعندي الدليل
تخيلو والله اني اعاامله زيين و اسويله كل طلباته ولا كأنه في شي
ردو عليه بسرعه كيييييف اتصرف و لو انتي مكاني شو بتسويييين؟؟
اختى كلميه واجهيه هي واجهيه بالكلام الى مسيفتنه من المسن
تعرفين قولى له ابي بلاك بيري هيه اشتري بلاك بيري وضيفيه وبالتالى بتعرفين منو البنات واذا قالج ماشي بلاك بيري قولى له ليش شوفيها لو عندى بلاك بيري وضفتك دام انك واثق انكم ما تكلمهم
اللهم يارب يفرج همج ويسر امورج يارب ويهدي ريلج امين امين امين
هاي مشكلة الاغلبيه للاسف
المفروووض تواجهييينه وتزعلين وتعصبين عليه بس انا ما اقوولج صارخي وسبيه لا في اسلووب في النقاش بينيه انج مب عادي وياج هالشي .. المفروووض من قالج هيه اكلمهم وبينا نكت وانا اساسا ما عرفهم كان المفروووض تزعلين وتعصبين عليه وتناقشييينه لان مش من حقه حتى ان يسلم عليهم .. هوو بيرضى لو انتي عندج بلاك بيري اطرشين نكت لشباب انتي ما تعرفينهم اكيد ما بيرضى وبيعصب ويمكن يشل عنج البلاك بيري صح ولا لا..؟؟؟
اختي انا بقوولج موقف صار معاي
ريلي وايد يدش ترفيان ما ادري اذا تعرفينها لعبه مشهوووره ادمنوا عليها الشباب طبعا هي في النت
وانا عسب ما احسسه ان ممكن يدمن عليها ويقصر فيني دشيت هاللعبه معاه وعشان بعد ابا اعرف كيف هاللعبه وليش الشباب يدمنوون عليها
المهم
ان هاللعبه فيها رسايل وممكن انج تتراسلين مع اي شخص معاج في نفس السيرفر
تخيلي مره حصلت رساله هوو اللي مطرشها لبنت ويسألها عن اخبارها ويقولها وينج ومن زمان عنج تخيلي !!!!!!!!!!!!!
طبعا ما كان في غزل بس مجرد لو كان بس في سلام والله ما بسكت له
تعرفين شو سوييييت
يبت اللاب وفتحت اللعبه وقلت له ادخل الرسايل وشوووف الرساله انتي راسله حق فلانه
طبعا شافها وانصدم وماعرف يتكلم لان كشفته .. يعني شوفي سبحان الله لو انا ماعرف هاللعبه كان ما عرفت اطلع الرسايل
المهم تم ساكت اول شي وانا كنت معصبببببببببببببه واكلمه بس اكلمه بهدوووء اقوووله ليش راسلنها هالرساله قال انا ما قصد شي بس جي اكلمها اسلم عليها يعني انتي ارووحج شفتي الرساله مافيها شي
قلت له اليوم ما فيها شي باجر بتستوي فيها اشياااء
واذا انت ترضى اني اكلم اي شاب معاي في اللعبه فهذا شي ثاني
وعلى فكره انا داشه في هاللعبه على اساس اني ولد لان هوو ما طاع ادخل بنك نيم بنت .. ودخلت على اساس اني ولد بناءا على رغبته .. وقلت له يكون في علمك ان كذا شخص يبا يتعرف علي وانا كان بامكاني ارد عليهم لان هم هالشباب يتحروني ولد بس انا ما رديت على حد لاني اعرف عمري انا منوو انا بنت مش ولد ولان اعرف ان انت ما بترضى بهالشي
… احرجته وايد بكلامي وتم ساكت ومب عارف شووو يرد
وطبعا تميت زعلانه عليه يومين وتم يراضيني ويسب اللعبه ان اللي ممكن ان تزعلني عليه
حبيت اخبرج هالموقف عشان تعرفين ان كل شي المفرووض يستوي في وقته اما انج تسكتين عنه وانج الحين تراوينه محادثات اللي انتي مسيفتهم يمكن ما يتأثر لان انتي سكتي عن المووضووع وايد
انا اقوولج واجهيه وازعلي عليه وعصبي عليه وبينيله ان اللي يسويه غلط غلط .. وان لازم يوقف عند حده وبس عاد من كثر ما يسوولف مع البنات وقوليله صووون زوجتك عشان ربك يصووونها لك ..
والسمووحه فديتج اني طولت عليج
والله يوفقج ويهدي ريلج ويسخره لج ان شاء الله